Социаль-хезмәт мөнәсәбәтләрен җайга салу буенча Республика өчьяклы комиссиясенең күчмә утырышы

2007 елның 7 апрелендә Әлмәт шәһәрендә социаль-хезмәт мөнәсәбәтләрен җайга салу буенча Республика өчьяклы комиссиясенең күчмә утырышы булды.

Комиссиянең күчмә утырышы эшендә Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты җитәкчесе урынбасары - хокукый мәсьәләләр буенча җирле үзидарә органнары белән багланышлар бүлеге җитәкчесе И.Х. Миңнегулов катнашты.

Кереш сүзендә Татарстан Республикасы Премьер-министрының беренче урынбасары, икътисад һәм сәнәгать министры Б.П.Павлов “Татарстан Республикасы муниципаль берәмлекләрендә коллектив-килешү мөнәсәбәтләре торышы һәм аларны киләчәктә үстерү буенча чаралар” дигән күчмә утырыш темасының актуальлеген билгеләп үтте.

Әлеге мәсьәлә буенча доклад белән Татарстан Республикасы хезмәт һәм эш белән тәэмин итү министры – хөкүмәт ягы координаторы Б.Ф. Захаров, Татарстан Республикасы Профсоюзлар федерациясе рәисе – профсоюз ягы координаторы Т.П. Водопьянова, Татарстан Республикасы Сәнәгать предприятиеләре ассоциациясе генераль директоры – эш бирүчеләр ягы координаторы Ф.З. Раимов чыгыш ясадылар.

Фикер алышуларда муниципаль берәмлекләр, беренчел профсоюз оешмалары, предприятиеләр, учрежденияләр һәм оешмалар вәкилләре катнашты.

Утырышның көн тәртибен тикшерү барышында дәүләт хакимияте органнары һәм җирле үзидарә органнары вәкаләтләрен нәтиҗәле гамәлгә ашыру; хезмәт мөнәсәбәтләрен коллектив-килешүле җайга салуы бурычларын аеручы тулы һәм нәтиҗәле хәл итү өчен социаль партнерлык органнары эшчәнлеген камилләштерү  проблемалары буенча төп бәхәс җәелде.

Фикер алышу барышында дәүләт хакимияте органнары һәм җирле үзидарә органнары багланышлары мәсьәләсе буенча эшчеләр һәм эш бирүчеләр мөнәсәбәтләрендә берничә караш барлыкка килде (Павлов Б.П., Захаров Б.Ф., Водопьянова Т.П., Әбүбәкеров Р.Ф., Миңнегулов И.Х.).

Аерым алганда, И.Х. Миңнегулов билгеләп үткәнчә, социаль-хезмәт мөнәсәбәтләрен җайга салу буенча Республика өчьяклы комиссиясе эшендә Татарстан Республикасы Муниципаль берәмлекеләр советының Татарстан Республикасының 999 муниципаль берәмлеге координаторы буларак катнашуы максатка ярашлы. И.Х. Миңнегулов аңлатуынча, бу тәкъдим хезмәт турында, җирле үзидарә турында законнар нормасыннан килеп туа. Мисал өчен, Россия Федерациясе Хезмәт кодексының 424 статьясының 37сендә сүз хезмәт мөнәсәбәтләре өлкәсендә җирле үзидарә органнарының тоткан урыны һәм роле турында бара.

Моннан тыш, хезмәт өлкәсендә социаль партнерлык төшенчәсен федераль законнар эшчеләр, эш бирүчеләр, дәүләт хакимияте органнары һәм җирле үзидарә органнары арасында хезмәт мөнәсәбәтләрен җайга салу мәсьәләләре буенча эшчеләр һәм эш бирүчеләр мәнфәгатьләрен килештерүне тәэмин итүгә юнәлтелгән үзара мөнәсәбәтләр системасы итеп аңлый.

Бу тәкъдимнәр барысы да күчмә утырышта катнашучыларда яклау тапты һәм аларны социаль-хезмәт мөнәсәбәтләрен җайга салу буенча Республика өчьяклы комиссиясе карарына кертергә дип килешенде.

Утырыш нәтиҗәләрен чыгарып, Татарстан Республикасы Премьер-министрының беренче урынбасары, икътисад һәм сәнәгать министры Б.П.Павлов үз чыгышында хезмәт өлкәсендә социаль партнерлык проблемалары турында фикер алышуның уңышлы булуын билгеләде. Социаль партнерлык системасын формалаштыру эшендә яңа адым ясалды, аны тәгаен һәм тирән рәсмиләштерүдә әле бик күп оештыру-хокукый проблемаларны хәл итәсе бар.