Дәүләт урман фонды җирләре кысаларында чикләр тасвирламасы мәсьәләсе буена киңәшмә

Бүген Татарстан Республикасы Юстиция министрлыгында ТР юстиция министры М.М. Корманов рәислегендә Татарстан Республикасы муниципаль районнары составына керүче җирлекләр чикләренең картографик тасвирламасы мәсьәләсе буена эш киңәшмәсе булды.

Мәсьәлә турында фикер алышуда ТР урман хуҗалыгы министры З.Н. Абдуллин, ТР юстиция министры урынбасары А.А. Ощепков, ТР урман хуҗалыгы министры урынбасары И.Н. Зарипов, Роснедвижимостьнең ТР буенча Идарәсе җитәкчесе урынбасары А.Р. Баклашов, “Җир” республика кадастр үзәгенең баш инженеры Р.Р. Мирзәкриев һәм Татарстан Республикасы Юстиция министрлыгының структур бүлекчәләре җитәкчеләре катнашты.

Киңәшмәне ачып, юстиция министры М.М. Корманов бу мәсьәлә турында мәнфәгатьле ведомстволар катнашында фикер алышырга кирәклекне, шулай ук дәүләт урман фонды территориясе кысаларында җирлекләр чикләрен билгеләү һәм тасвирлауга кагылышлы күтәрелгән теманың мөһимлеген билгеләп үтте. Чөнки федераль законнар нигезендә урман фонды җирләре җирлекләр җирләренә керә алмый.