Юстиция министрының Кама Аланында уен бизнесы вәкилләре белән очрашуы

2007 елның 28 апрелендә Татарстан Республикасы юстиция министры М.М.Корманов “Кама Аланы штп” муниципаль берәмлегендә булды. Ул анда “Татарстан Республикасы территориясендә уен йортларын, аерым алганда, “Кама Аланы штп” муниципаль берәмлеге территориясендә урнаштыру турында” Татарстан Республикасы Законын үтәү мәсьәләсенә багышланган киңәшмәдә катнашты.

Уен бизнесы вәкилләре, “Кама Аланы штп” башкарма комитеты җитәкчелеге, халык катнашында узган киңәшмә барышында министр үз көчен югалткан “Татарстан Республикасы территориясендәге уен йортлары эшчәнлеген җайга салу турында” ТР Законы белән бәйле килеп чыккан хәлне, тулы көченә гамәлдә булучы “Татарстан Республикасы территориясендә уен йортларын урнаштыру турында” ТР Законы хакында, уен бизнесы турында көченә керәчәк Федераль закон хакында һәм ТР Юстиция министрлыгының рөхсәт итү-контрольдә тоту функцияләрен аңлатты.

Сөйләшүдә “Татарстан Республикасы территориясендә уен йортларын урнаштыру турында” ТР Законын гамәлгә ашыру чаралары хакында”ТР Министрлар Кабинеты карарына “Кама Аланы штп” муниципаль берәмлеге башкарма комитетына муниципалитет территориясендә уен йортлары ачуга рөхсәт бирүче вәкаләтле орган функцияләрен үзенә алырга мөмкинлек бирә алырлык үзгәрешләр кертү мөмкинлеге каралды.  

Бүген бу рөхсәтне ТР Юстиция министрлыгы бирә.

Муниципаль берәмлек башлыгы Игорь Привалов  бизнесы белән бәйле тагын бер Кама Аланы өчен мөһим теманы күтәрде. Сүз муниципалитет территориясендә урнашкан уен биналарына карата салым нормаларын киләчәктә РФ Салым кодексы белән билгеләнгән минимумга кадәр төшерү мөмкинлеге турында барды. Юстиция министры әлеге мәсьәләне Татарстан Республикасы Дәүләт Советы каравына кертергә сүз бирде.

Эш киңәшмәсеннән соң анда катнашучылар Кама Аланында эшли торган бердәнбер уен салонына барды.

Аның хуҗасы бер ай элек торак пунктның махсус бүлеп бирелгән зонасында бина арендага алган һәм анда уен автоматлары урнаштырган. Аның артыннан

башка “уенчылар” да тартылган.         

Республиканың тагын бер билгеле уен компаниясе үзе арендага алган биналарны реконструкцияли башлаган, анда тиздән яңа уен салоннары, казино һәм башка шундый ресторан-кунакханә бизнесы объектлары барлыкка киләчәк.

Гомумән алганда, “Кама Аланы штп” муниципаль берәмлеге территориясендә уен зонасы өчен 205,6 га җир бүленгән, анда 13 мең кв.м. мәйданда буш һәм төзелеп бетмәгән биналар урнашкан. Алар инженер коммуникацияләре белән җиһазландырылган. ТР Транспорт һәм юл хуҗалыгы министрлыгы киләсе елга Кама Аланының юл-транспорт челтәрен төзекләндерүне планлаштыра, димәк территория уен бизнесы операторларын тагын да ныграк җәлеп итер дип ышанасы килә. Үсә барган кызыксыну мисалы булып Кама Аланында урнашуны нәтиҗәле санаган компанияләр, шул исәптән эре компанияләр белән сөйләшүләрне атарга була.