Хокукый мәсьәләләр буенча ведомствоара координацияләү комитеты утырышы

2007 елның 2 маенда Татарстан Республикасы Министрлар Кабинетында Хокукый мәсьәләләр буенча ведомствоара координацияләү комитеты утырышы узды. Анда Татарстан Республикасы муниципаль районнары һәм шәһәр округлары административ комиссияләре эше турында мәсьәлә каралды.

Татарстан Республикасы юстиция министры М.М. Корманов һәм Татарстан Республикасы муниципаль районнары һәм шәһәр округлары башкарма комитетлары җитәкчеләре җиткергән мәгълүматлар турында фикер алышканнан соң, Ведомствоара комитет ҖҮИ органнары һәм административ комиссияләр 2006 елда һәм 2007 елның 1 кварталында хокук бозуларны профилактикалау буенча эшчәнлекне активлаштырганны билгеләде. Административ комиссияләр эше максатчан юнәлеш ала бара. Моның белән бергә, ТРның Аксубай, Алексеевск, Әтнә, Баулы, Югары Ослан, Лаеш, Мөслим, Питрәч, Балык Бистәсе, Тәтеш муниципаль районнары адмкомиссияләренең кимчелекләрен һәм тиешле дәрәҗәдә эшләмәүләрен билгеләп үттеләр.

ТР Юстиция министрлыгына ТР муниципаль районнары һәм шәһәр округлары ҖҮИ органнары белән бергә административ хокук бозулар турында эшләрне, мондай материалларны тикшерергә вәкаләтле барлык органнар тарафыннан тикшерүне координацияләү системасын төзү һәм Хокукый мәсьәләләр буенча ведомствоара координацияләү комитетына кертү бурычы тапшырылды.

Чираттагы итеп Татарстан Республикасы муниципаль районнарында һәм шәһәр округларында экологик куркынычсызлыкның торышы мәсьәләсе тикшерелде.

ТР экология һәм табигать ресурслары министрының беренче урынбасары Н.Н.Хәбипов мәгълүматын тыңлаганнан соң, Хокукый мәсьәләләр буенча ведомствоара координацияләү комитеты Татарстан Республикасында әйләнә-тирә мохитның таләп ителә торган сыйфатта булуына, табигать ресурсларын сакларга, аларны рациональ файдаланырга һәм торгызырга мөмкинлек бирмәүче проблемалар барлыгын билгеләп узды.

Хокукый мәсьәләләр буенча ведомствоара координацияләү комитеты ТР Экология һәм табигать ресурслары министрлыгына, ТР Юстиция министрлыгына, ТР Икътисад һәм сәнәгать министрлыгына федераль законнар нигезендә РФ субъектларына бирелә торган вәкаләтләрне ҖҮИ органнары белән бергә нәтиҗәле тормышка ашыру өчен мөһим булган әйләнә-тирә мохит һәм экологик куркынычсызлык өлкәсендә законнарны алга таба камилләштерү һәм норматив хокукый актлар эшләү буенча тәкьдимнәр әзерләүне тапшырды.

ҖҮИ органнарына әйләнә-тирә мохитны саклауны көчәйтү буенча комплекслы чараларны гамәлгә ашыру тәкъдим ителде.

ТР икътисад һәм сәнәгать министрының беренче урынбасары, ИСТҮ директоры А.Н.Кудрявцева Комитет каравына табигый монополияләр субъектлары эшчәнлеге өлкәсендә Татарстан Республикасы дәүләт хакимиятенең башкарма органнары, федераль башкарма хакимият органнарының территориаль органнары, җирле үзидарә органнары багланышлары регламенты турында, социаль әһәмияттәге товарлар һәм хезмәтләр базарында конкуренцияне яклау турында мәгълүматлар тәкдим итте.

Ведомствоара комитет утырышы видеоконференц-элемтә системасын кулланып үткәрелде.