ТР юстиция министры урынбасары Ә.Б.Сираҗетдинов гражданнарны күчмә кабул итү үткәрде

ТР юстиция министры урынбасары Ә.Б.Сираҗетдинов Татарстан Республикасы Әлки районының Базарлы Матак авылында гражданнарны күчмә кабул итү үткәрде. Районда яшәүчеләр биргән сораулар спектры киң: җирләрне милеккә рәсмиләштерү, хезмәт хакы түләү, балаларның гражданлыгы, юл-транспорт һәлакәте турында дело буенча арбитраж суды эшләрен карау, ссуда түләү.

Кабул итүгә районның барлыгы 14 кешесе килде.

Кабул итү барышында ТР юстиция министры урынбасарына конкрет хокукый ситуацияләр белән дә, шулай ук гамәлдәге законнарга аңлатма бирүен сорап та мөрәҗәгать иттеләр. Аерым алганда, агро-сәнәгать комплексы хезмәтчәннәре һөнәри берлегенең район комитеты рәисе буларак, А.И.Смышляева һөнәри оешмаларны яңадан теркәү процедурасы ничә елдан соң булырга тиешлеге, шулай ук моның өчен кирәк булган документлар исемлеге белән кызыксынды.

ТР Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаментының компетенциясе белән бәйле, аерым алганда, дәүләт һәм муниципаль хезмәткәрләрнең квалификация разрядлары туры килүе турында, сайланулы муниципаль вазыйфалар биләүче затларны пенсия белән тәэмин итү турында сораулар бирелде.

Әлки районына сәфәре барышында министр урынбасары Ә.Б.Сираҗетдинов район суды рәисе, җәмәгать судьялары белән очрашты. Базарлы Матакта республика бюджеты чараларына җәмәгать судьялары аппараты өчен бина төзелеше тәмамланып килә.