Коррупциягә каршы сәясәтне тормышка ашыру буенча республика советының коррупциягә каршы экспертиза комиссиясе утырышы

Бүген Татарстан Республикасы Юстиция министрлыгында ТР юстиция министры М.М.Корманов рәислегендә Коррупциягә каршы сәясәтне тормышка ашыру буенча республика советының коррупциягә каршы экспертиза комиссиясе утырышы булды.

Утырышта “Татарстан Республикасы Сәламәтлек саклау министрлыгында һәм Татарстан Республикасы Экология һәм табигать ресурслары министрлыгында хокукый актларга һәм аларның проектларына коррупциягә каршы экспертиза үткәрүне оештыру турында” мәсьәләсе буенча Республика советы утырышына материаллар әзерләү мәсьәләсе каралды.

Алда торган эш белән бәйле, Коррупциягә каршы сәясәтне тормышка ашыру буенча республика советының эшче төркеме төзелгән иде, ул Совет утырышына материаллар әзерләүне тормышка ашырачак, төркемнең эш планы проекты һәм экспертиза үткәрү барышында өйрәнелергә тиешле мәсьәләләр исемлеге әзерләнгән.

Эш документлары проектларын Коррупциягә каршы сәясәтне тормышка ашыру буенча республика советы рәисе – ТР Президенты Аппараты җитәкчесе Ю.З.Камалтынов раслаганнан соң, эшче төркем эшкә тотыначак.

Коррупциягә каршы сәясәтне тормышка ашыру буенча республика советының Совет утырышына материаллар әзерләүне гамәлгә ашырачак эшче төркемен ТР юстиция министры М.М.Корманов җитәкли, ә төркем составына шулай ук ТР Прокуратурасы прокуроры Л.М.Мәҗитова, ТР Президенты Аппаратының Татарстан Рспубликасының коррупциягә каршы сәясәтен тормышка ашыру бүлеге баш киңәшчесе А.Р.Батаршин, ТР Юстиция министрлыгының эшләр идарәчесе С.А.Брусов, “Медицина эшчәнлеген хокукый тәэмин итү үзәге” иҗтимагый оешмасы җитәкчесе С.А.Усманова керәләр.