Ульяновск өлкәсеннән килгән мәктәп укучылары ТР юстиция министры М.М.Кормановта кунакта

2007 елның 12 маенда Татарстан Республикасы Юстиция министрлыгында Ульяновск өлкәсеннән кунаклар булды. Яңа-Малыклы районының Урта Сәнтимер гомуми белем бирү мәктәбенең 10 укучысы һәм география укытучысы Татарстан башкаласына экскурсиягә, шулай ук үзләренең якташлары – Татарстан Республикасы юстиция министры М.М.Корманов янына килделәр.

Шуны билгеләп үтергә кирәк, Мидхәт Мәзгутович үзенең кечкенә ватаны белән тыгыз элемтәдә тора. Һәр яз саен уку елы азагында ул үзенең элеккеге мәктәбенең югары сыйныф укучылары белән, шулай ук үзе 1977 елда тәмамлаган Мәләкәс авыл хуҗалыгы техникумы студентлары һәм педагоглар коллективы белән очраша, һәм елның иң яхшы студентын бүләкли.

Министрда бу юлы кунакта аның туган мәктәбенең 11 сыйныф укучылары иде. Иң беренче чиратта аларны Казан шәһәренең югару уку йортларына керү шартлары кызыксындырды. Кыска гына очрашудан соң, укучылар өчен Казан дәүләт университетына, аннары ТР Дәүләт Советына, ТР Министрлар Кабинетына экскурсия оештырылды. Җитди кешенең игътибарыннан балалар үзләрен шәхес итеп тойдылар.

Кунаклар Казан Кремленең тарихи объектларын карады, Кол Шәриф мәчетендә булдылар. Укучылар беренче тапкыр метрода йөреп кайттылар, Спорт сараеның ясалма бозында шуып алдылар һәм министрның хоккей формасын киеп карадылар.

Аларны сәфәрләрендә озатып йөрүче, кайчандыр юстиция министрына да география фәннен укыткан укытучы белән укучылар безнең шәһәрдә беренче тапкыр булды. Укучыларга матур булып ачылган Казан гаҗәпләнү, шатлык һәм соклану уятты.

Аралашу министр кабинетында чәй өстәле артында тәмамланды. Якташлары белән саубуллашып, Мидхәт Мәзгутович аларга хәерле юл һәм якты киләчәк теләде.