ТР Юстиция министрлыгында эксперт советы утырышы

Бүген ТР Юстиция министрлыгында Татарстан Республикасы юстиция министры М.М.Корманов рәислегендә Хокукый мәсьәләләр буенча ведомствоара координацияләү комитетының Эксперт советы утырышы булды.

Көн тәртибенә түбәндәге закон проектларын карап тикшерү кертелгән иде:

«Татарстан Республикасында чит ил инвестицияләре турында» Татарстан Республикасы Законына үзгәрешләр кертү хакында»;

“Эчке эшләр органнары хезмәткәрләрен, пенсионерларын һәм аларның гаиләләре әгъзаларын торак белән тәэмин итүнең дәүләт гарантияләре турында”;

“Татарстан Республикасында халыкны эш белән тәэмин итүгә ярдәм күрсәтү өлкәсендә дәүләт сәясәтен гамәлгә ашыру турында” Татарстан Республикасы Законына үзгәреш кертү хакында”;

“Депортацияләнергә яисә Россия Федерациясеннән читкә административ куылырга тиеш чит ил гражданнарын һәм гражданлыгы булмаган затларны вакытлыча тоту өчен махсус учреждениеләр төзү тәртибе турында”.

Эксперт советы әгъзалары “Татарстан Республикасында халыкны эш белән тәэмин итүгә ярдәм күрсәтү өлкәсендә дәүләт сәясәтен гамәлгә ашыру турында” Татарстан Республикасы Законына үзгәреш кертү хакында” һәм “Депортацияләнергә яисә Россия Федерациясеннән читкә административ куылырга тиеш чит ил гражданнарын һәм гражданлыгы булмаган затларны вакытлыча тоту өчен махсус учреждениеләр төзү тәртибе турында” Татарстан Республикасы законнары проектларын хупладылар һәм югарыда күрсәтелгән проектларны Хокукый мәсьәләләр буенча ведомствоара координацияләү комитеты утырышына алга таба карап тикшерү өчен җибәрергә дигән карар кабул иттеләр.

«Татарстан Республикасында чит ил инвестицияләре турында» Татарстан Республикасы Законына үзгәрешләр кертү хакында» закон проекты турында Татарстан Республикасы сәүдә һәм тышкы икътисадый багланышлар министры Х.М.Салихов җиткерде.

Фикер алышудан соң, эксперт советы әгъзалары ТР Сәүдә һәм тышкы икътисадый багланышлар министрлыгына ТР Икътисад һәм сәнәгать министрлыгы белән бергә югарыда күрсәтелгән закон проектын эксперт советы утырышында телгә алынган күрсәтмәләр һәм тәкъдимнәрне исәпкә алып эшләп бетерергә һәм Хокукый мәсьәләләр буенча ведомствоара координацияләү комитеты каравына соңгы редакциядә кертергә йөкләде.

“Эчке эшләр органнары хезмәткәрләрен, пенсионерларын һәм аларның гаиләләре әгъзаларын торак белән тәэмин итүнең дәүләт гарантияләре турында” закон проекты буенча ТР юстиция министры М.М.Корманов        ТР Министрлар Кабинеты Аппаратының хокук идарәсе җитәкчесе Р.Ф.Гафиятуллин чыгыш ясадылар.

“2007 елга Татарстан Республикасы бюджеты турында” Татарстан Республикасы Законында (эчке эшләр органнары хезмәткәрләренә, пенсионерларына һәм аларның гаиләләре әгъзаларына социаль наем килешүе буенча торак урыннар бирү өлешендә) чыгымнарны финанслау каралмау белән бәйле күрсәтелгән закон проектын кабул итү вакытыннан алда булып тора.

Эксперт советы күрсәтелгән закон проектын Татарстан Республикасы буенча Эчке эшләр министрлыгына бу проектны ТР Финас министрлыгы белән килештерү белән бәйле күрсәтмәләрне исәпкә алып эшләп бетерергә җибәрергә карар кабул итте.

Хокукый мәсьәләләр буенча ведомствоара координацияләү комитетының Эксперт советы мәсьәләләре турында фикер алышуда Татарстан Республикасы Дәүләт Советының Законлылык, регламент һәм депутат этикасы рәисе Җ.Г.Яһүдин, Татарстан Республикасы Президентының Дәүләт-хокук идарәсе җитәкчесе Р.А.Сәхиева, Татарстан Республикасы икътисад һәм сәнәгать министрының беренче урынбасары – ТР Министрлар Кабинетының Икътисадый һәм социаль тикшерүләр үзәге директоры Анна Кудрявцева, ТР юстиция министрының беренче урынбасары С.Н.Столяров, РФ ЮМның Идел буе федераль округы буенча Баш идарәсенең                       РФ субъектлары законнары һәм ТРда федераль регистр алып бару бүлеге җитәкчесе Ф.Г.Фатхуллина, КДУның конституциячел хокук һәм кеше хокуклары кафедрасы укытучылары Е.В.Солтанов һәм Г.Р.Хәбибуллина, ТР ЮМның закон проектлары белән эшләү бүлеге җитәкчесе вазыйфаларын башкаручы Л.И.Ибраһимова һәм бүлек белгече Е.В.Лопатина катнашты.