«Татарстан Республикасы Министрлар Кабинеты карарлары җыентыгы» басылып чыкты

“Россия Федерациясендә җирле үзидарә оештыруның гомуми принциплары турында” 2003 елның 6 октябрендә кабул ителгән 131-ФЗ номерлы  Федераль законны һәм “Татарстан Республикасында җирле үзидарә турында” 2004 елның 28 июлендә кабул ителгән 45-ТРЗ номерлы  Татарстан Республикасы Законын гамәлгә ашыру кысаларында кабул ителгән Татарстан Республикасы Министрлар Кабинеты карарлары җыентыгы” басылып чыкты.

Җыентык басмага Татарстан Республикасы юстиция министры урынбасары – Хокукый мәсьәләләр буенча җирле үзидарә оганнары белән багланышлар оештыру департаменты җитәкчесе А.А.Ощепков җитәкчелегендә ТР Юстиция министрлыгы белгечләре тарафыннан, ТР Министрлар Кабинеты Аппаратының дәүләт хакимияте башкарма органнары һәм җирле үзидарә органнары арасында багланышлар оештыру бүлеге җитәкчесе урынбасары А.Р.Хәбибуллин катнашында әзерләнгән.

Җыентыкта эшчәнлекнең төрле өлкәләрендә җирле үзидарә органнарына бирелгән дәүләт вәкаләтләрен гамәлгә ашыру мәсьәләләрен  регламентлаштыручы, иҗтимагый мөнәсәбәтләрнең төрле өлкәләрендә тиешле чаралар һәм карарлар кабул итү буенча җирле үзидарә органнарына тәкъдимнәрне һәм киңәшләрне эченә алган, Татарстан Республикасы башкарма хакимият органнарының һәм җирле үзидарә органнарының нәтиҗәле багланышларын тәэмин итүче бүтән нигезләмәләрне билгели торган ТР Министрлар Кабинетының гамәлдәге карарлары урын алган.

Карарлар җыентыгы җирле үзидарә органнарын норматив тәэмин итү мәсьәләләре буенча эштә куллану өчен белешмә материал буларак хезмәт итә ала.