ТР юстиция министры вазыйфаларын башкаручы С.Н.Столяров ТР Дәүләт Советы комитеты утырышында

Бүген Татарстан Республикасы юстиция министры вазыйфаларын башкаручы С.Н.Столяров Татарстан Республикасы Дәүләт Советының Икътисад, инвестицияләр һәм эшкуарлык буенча комитеты утырышында “Татарстан Республикасында ваклап сату базарларын оештыру хокукына рөхсәт бирергә вәкаләтле җирле үзидарә органнарын билгеләү турында” һәм “Җирле әһәмияттәге мәсьәләләрне хәл итү өчен муниципаль берәмлекләргә дәүләт матди ресурсларын һәм дәүләт субсидияләрен бирү турында” Татарстан Республикасы Законына үзгәрешләр кертү хакында” Татарстан Республикасы законнары проектлары буенча докладлар белән чыгыш ясады.

“Татарстан Республикасында ваклап сату базарларын оештыру хокукына рөхсәт бирергә вәкаләтле җирле үзидарә органнарын билгеләү турында” ТР законы проектын әзерләү зарурлыгы “Ваклап сату базарлары турында” Федераль закон кабул ителү һәм РФ Хезмәт кодексына үзгәрешләр кертелүгә бәйле туган. Аерым алганда, ТР законы проектында Татарстан Республикасында ваклап сату базарларын оештыруга рөхсәтләр бирүгә вәкаләтле органнар билгеләнә, болар – муниципаль районнарның һәм шәһәр округларының башкарма комитетлары.

“Җирле әһәмияттәге мәсьәләләрне хәл итү өчен муниципаль берәмлекләргә дәүләт матди ресурсларын һәм дәүләт субсидияләрен бирү турында” ТР Законына үзгәрешләр кертү югарыда күрсәтелгән Законны федераль законнарга туры китерү белән бәйле.

Фикер алышудан соң, Комитет әгъзалары закон проектлары турында сорауларны беренче укылышта карап тикшерү өчен ТР Дәүләт Советы Президиумына Дәүләт Советы утырышының көн тәртибенә кертергә тәкъдим итәргә кирәк дигән карар кабул иттеләр.