ТР Президентының Дәүләт хезмәте институтында укулар

Татарстан Республикасының коррупциягә каршы сәясәтен гамәлгә ашыру бүлеге тәкъдиме белән Татарстан Республикасы Президентының Дәүләт хезмәте институтында 19 июньнән 21 июньгә кадәр Татарстан Республикасы министрлыклары һәм ведомстволарының коррупциячел хокук бозуларны кисәтү функцияләре бирелгән җаваплы затлары белән тематик укулар үтте.

Билгеле булганча, 2006 елның маенда безнең республикада “Татарстан Республикасында коррупциягә каршы тору турында” ТР Законы кабул ителде, аның нигезендә ТР министрлыкларында һәм ведомстволарында аларның җитәкчеләренең хокукый актлары белән үз махсус бүлекчәләре төзелде яки коррупциячел хокук бозуларны кисәтү функцияләре бирелгән җаваплы затлар билгеләнде.

Татарстан Республикасында коррупциягә каршы сәясәтне гамәлгә ашыру өлкәсендә бөтен эшчәнлекне координацияләүне ТР Президенты Указы белән ТР Президенты Аппаратында оешкан Татарстан Республикасының коррупциягә каршы сәясәтен гамәлгә ашыру бүлеге тормышка ашыра.

ТР Юстиция министрлыгы укуларга өч белгеч җибәрде: министрлыкның эшләр идарәчесе С.А.Брусов, җәмәгать судьялары эшчәнлеген тәэмин итү бүлеге җитәкчесе Н.Н.Хисмәтуллин, Хокукый мәсьәләләр буенча җирле үзидарә органннары белән багланышлар оештыру департаменты җитәкчесе урынбасары – хокукый мәсьәләләр буенча җирле үзидарә органнары белән багланышлар бүлеге җитәкчесе И.Х.Миңнегулов.

Тыңлаучыларга гамәли һәм теоретик материалны сөйләп бирү өчен ТРның коррупциягә каршы сәясәтен гамәлгә ашыру бүлеге, ТР Прокуратурасы, ТР Эчке эшләр министрлыгы, ТР Хисап палатасы, «Карьера» социаль инновацияләр үзәге җитәкчеләре һәм белгечләре җәлеп ителгән иде.

Укуларның кыска вакытлы булуына карамастан, белгечләр, практиклар, галимнәр ведомство норматив хокукый актларына коррупциягә каршы экспертиза үткәрү турында (ТР юстиция министры М.М.Корманов), коррупция куркынычын кисәтү чаралары турында (Дәүләт заказы агентлыгы генераль директоры Я.В.Геллер), бизнеста административ каршылыкларны бетерү формалары һәм методлары турында (ТР Эшкуарлыкны үстерү агентлыгы генераль директоры Г.И.Сергеева), юридик һәм физик затларга дәүләт хезмәте күрсәтүнең административ регламентлары турында (ТР икътисад һәм сәнәгать министрының беренче урынбасары – ТР Министрлар Кабинетының ИСТҮ директоры А.Н.Кудрявцева), ТРда дәүләт хезмәте үтүгә коррупциячеллеккә каршы таләпләр турында (ТР Президентының Дәүләт хезмәткәрләре эшләре департаменты җитәкчесе урынбасары Р.А.Мусаев), Татарстан Республикасында коррупциянең торышын тикшерүләр турында (аналитик тикшерүләр һәм эшләнмәләр үзәге директоры, КДТУның дәүләт муниципаль идарә һәм социология кафедрасы профессоры А.Л.Салагаев) бик күп кызыклы һәм файдалы материал сөйләделәр.

Укулар тәмамланганнан соң, курсны тыңлаучылар “Коррупциягә каршы сәясәтнең гамәли аспектлары” программасы буенча кыска вакытлы квалификация күтәрү турында таныклык алдылар.