Юстиция министры М.М.Корманов Бөтенроссия гамәли конференциясендә

2007 елның 27-28 июнендә Татарстан Республикасы юстиция министры М.М.Корманов “Казан” ММҮдә узган “Россия Федерациясе гражданнары мөрәҗәгатьләрен карап тикшерү тәртибе турында” 2006 елның 2 маенда кабул ителгән 59-ФЗ номерлы Федераль законны гамәлгә ашыру буенча Бөтенроссия гамәли конференциясендә катнашты.

Исегезгә төшерәбез, конференция үткәрү тәкъдиме белән Россия Федерациясе Президенты Администрациясе безнең республикада гражданнарның конституциячел хокукларын һәм законлы мәнфәгатьләрен судтан тыш һәм судта яклауның тупланган зур тәҗрибәсенә һәм 2003 елда республикабызда “Татарстан Республикасында гражданнар мөрәҗәгатьләрен карап тикшерү тәртибе турында” ТР Законы кабул ителү белән бәйле чыкты.

Россия Федерациясе Президентының Гражданнар мөрәҗәгатьләре белән эшләү бүлеге идарәсе җитәкчесе М.А.Миронов пленар утырышны ачты һәм РФ Президенты Администрациясе исеменнән сәламләү сүзе белән чыгыш ясады. Конференциядә катнашучыларга турыдан-туры мөрәҗәгать итеп, РФ Президенты Администрациясе вәкиле нәкъ менә аларның хатларда һәм мөрәҗәгатьләрдә бәян ителгән гражданнар проблемалары белән һәркемнән дә тыгызрак очрашуларын ассызыклады. Министрлыкларның һәм ведомстволарның тиешле бүлекләре җитәкчеләренең “хакимият йөзе” булуларына басым ясады. Бу исә конференциядә катнашучыларга һәм аларның хезмәттәшләренә кешеләрнең проблемаларына игътибарлы булу бурычын йөкли. Моңа бәйле ул җирле хакимиятләрне халыкның зарларына һәм тәкъдимнәренә тагы да игътибарлы мөнәсәбәт күрсәтергә чакырды.

Конференциядә катнашучыларны Татарстан Президенты, ТР Дәүләт Советы һәм Министрлар Кабинеты исеменнән ТР Дәүләт Советы Рәисе Ф.Х.Мөхәммәтшин сәламләде.

Чыгышында ул Татарстандагы социаль-икътисадый хәл турында кыскача белешмә биреп китте. Аерым алганда, республикада гамәлгә ашырыла торган социаль программалар турында, дәүләт хакимияте органнары эше һәм аларның багланышлары турында, җирле үзидарә органнарының роле үсү турында сөйләде. Парламент башлыгы Татарстанда моннан өч ел элек гражданнар мөрәҗәгатьләре буенча республика законы кабул ителүне искә төшереп үтте. Аерым басым хакимиятнең барлык органнарында да һәм дәүләт учреждениеләрендә дә халыкны кабул итүнең җайга салынган системасы, ягъни һәр сишәмбе, булуга ясалды.

Моннан соң пленар утырыш катнашучыларның чыгышлары, дискуссияләр һәм секцияләрдә эшләү белән дәвам итте. Конференция икенче көнне конференция темасы буенча ачык дискуссия белән тәмамланды.

Катнашучылар утырыш нәтиҗәләре буенча берничә гамәли тәкъдимнәр кабул иттеләр.

Конференция темасы турында фикер алышуда РФ юстиция министры урынбасары А.В. Бондарь, РФ Югары Суды Рәисе урынбасары П.П. Серков, РФ Президентының Идел буе федераль округында тулы вәкаләтле вәкиле ярдәмчесе Л.В.Гильченко, РФ Генераль прокурорының Идел буе федераль округы буенча урынбасары Э.А.Вәлеев, ТР Президенты Аппараты җитәкчесе Ю.Җ.Камалтынов,, ТР Прокуроры К.Ф.Әмиров һәм башка рәсми затлар, шулай ук республика министрлыклары һәм ведомстволары вәкилләре катнашты.

Конференциядә Россиянең барлык субъектларыннан һәм почмакларыннан 250 дән артык катнашучы килгән иде.

Конференция эшенең беренче көнендә Татарстан Республикасы юстиция министры М.М.Корманов мәгълүмат агентлыклары һәм ТV журналистларына “Татарстан Республикасында гражданнар мөрәҗәгатьләрен карап тикшерү тәртибе турында” ТР Законын республикада гамәлгә ашыру турында интервью бирде.