Хокукый мәсьәләләр буенча ведомствоара координацияләү комитетының Эксперт советы утырышы

Кичә ТР Юстиция министрлыгында Татарстан Республикасы юстиция министры М.М.Корманов рәислегендә Хокукый мәсьәләләр буенча ведомствоара координацияләү комитетының Эксперт советы утырышы булды. Көн тәртибенә түбәндәге закон проектларын карап тикшерү кертелгән иде:

“Татарстан Республикасында урманнардан файдалану турында”;

“Татарстан Республикасының бәйрәм һәм истәлекле көннәре турында” Татарстан Республикасы Законының 1 статьясына үзгәрешләр кертү хакында”;

“Татарстан Республикасында әйләнә-тирә мохитне саклау турында” Татарстан Республикасы Законына үзгәрешләр кертү хакында”;

“Татарстан Республикасында суд участокларын һәм җәмәгать cудьялары вазыйфаларын булдыру турында” Татарстан Республикасы Законына үзгәрешләр кертү хакында”;

“Татарстан Республикасында торак урыны һәм коммуналь хезмәт күрсәтүләр өчен түләүнең төбәк стандартлары турында” Татарстан Республикасы Законына үзгәрешләр кертү хакында”;

“Казан шәһәре муниципаль берәмлегенең җирле үзидарә органнарына махсуслаштырылган медицина ярдәме күрсәтү өлкәсендә аерым дәүләт вәкаләтләрен бирү турында”.

“Татарстан Республикасында урманнардан файдалану турында”, “Татарстан Республикасында торак урынга һәм коммуналь хезмәтләргә түләүнең төбәк стандартлары турында” Татарстан Республикасы Законына үзгәрешләр кертү хакында” закон проектларын Хокукый мәсьәләләр буенча ведомствоара координацияләү комитетының Эксперт советы әгъзалары хупладылар, ә аерым закон проектлары эшләп бетерергә җибәрелде.

Хокукый мәсьәләләр буенча ведомствоара координацияләү комитетының Эксперт советы утырышында закон проектлары турында фикер алышуда, Татарстан Республикасы Президентының Хокук идарәсе җитәкчесе Р.А.Сәхиева, Татарстан Республикасы Министрлар Кабинеты Аппаратының Хокук идарәсе секторы мөдире А.Н.Белов, РФ субъектлары законнары һәм РФ ЮМның Идел буе федераль округы баш идарәсенең ТРда федераль регистр алып бару бүлеге җитәкчесе Ф.Г.Фәтхуллина, КДУның конституциячел хокук һәм кеше хокуклары кафедрасы укытучысы Е.Б.Солтанов, ТР ЮМның закон проектлары белән эшләү бүлеге җитәкчесе Ә.Р.Кәримова, ТР ЮМның закон проектлары белән эшләү бүлегенең әйдәүче консультанты С.М.Хәбибуллина, шулай ук Татарстан Республикасы министрлыкларыннан һәм Татарстан Республикасы Югары судыннан чакырылган вәкилләр катнашты.