ТР буенча ЭЭМ коллегиясенең һәм Хокукый мәсьәләләр буенча ведомствоара координацияләү комитетының уртак күчмә утырышы

2007 елның 24 июлендә Әлмәт татар дәүләт драма театры бинасында ТР буенча ЭЭМ коллегиясенең һәм Хокукый мәсьәләләр буенча ведомствоара координацияләү комитетының уртак күчмә утырышы булды. Ул “Татарстан Республикасында хокук бозуларны профилактикалау һәм юл хәрәкәте иминлеген күтәрү буенча үткәрелүче чараларның барышы турында” мәсьәләсенә багышланган иде.

Утырышны Татарстан Республикасы Премьер-министрының беренче урынбасары Р.Ф.Моратов ачты.

“Татарстан Республикасында хокук бозуларны профилактикалау буенча үткәрелүче чараларның барышы турында” доклад белән Татарстан Республикасы буенча Эчке эшләр министрлыгының җәмәгать куркынычсызлыгы милициясе җитәкчесе урынбасары Р.А.Галимбәков чыгыш ясады. Докладта хокук бозуларны профилактикалауның бердәй системасын булдыруның уңай нәтиҗәләре, шулай ук бу юнәлештә Яр Чаллы, Түбән Кама, Әлмәт, Чистай шәһәрләре, Казан шәһәре Совет районы муниципаль бкрәмлекләренең башкарма комитетларының уңай эше билгеләп үтелде. Арча, Әтнә, Питрәч, Лаеш муниципаль районнарында хокук бозуларны профилактикалау буенча муниципаль программаларны максатчан финанслауның булмавы эшне шактый катлауландыра.

Татарстан Республикасы юстиция министры М.М.Корманов муниципаль районнарда (шәһәр округларында) хокук бозуларны ппрофилактикалау буенча эшнең торышы турында сөйләде.

Утырышта катнашучылар Татарстан Республикасы юл хәрәкәте иминлегенең баш дәүләт инспекторы Р.Н.Миңнехановның “2006-2012 елларда юл хәрәкәте иминлеген күтәрү” Федераль максатчан программасын гамәлгә ашыру чаралары турында” мәгълүматын тыңладылар һәм бу хакта фикер алыштылар.

Юл хәрәкәте иминлеген тәэмин итү буенча үткәрелә торган чараларның нәтиҗәлелеген күтәрү максатларыннан Хокукый мәсьәләләр буенча ведомствоара координацияләү комитеты Татарстан Республикасы шәһәр һәм районнарнаң башкарма комитетлары җитәкчеләренә быелның июль-август айларында юл хәрәкәте иминлеген тәэмин итү буенча чараларын карап тикшерергә, эчке эшләр бүлекләре (идарәләре) җитәкчеләре катнашында аварияләр белән бәйле хәлне тотрыкландыру буенча кичектергесез чаралар комплексын билгеләргә йөкләде.

Башка мөһим мәсьәләләр турында да фикер алышынды. Хокукый мәсьәләләр буенча ведомствоара координацияләү комитеты әгъзалары Татарстан Республикасының бер төркем закон проектлары, аерым алганда “Татарстан Республикасында урманнардан файдалану турында”, “Татарстан Республикасында торак урыны һәм коммуналь хезмәт күрсәтүләр өчен түләүнең төбәк стандартлары турында” Татарстан Республикасы Законына үзгәреш кертү хакында”, “2006-2010 елларга Татарстан Республикасында энергия ресурсларының нәтиҗәлелеге” программасын раслау турында” Татарстан Республикасы Законына үзгәрешләр кертү хакында” закон проектларын карап тикшерделәр һәм хупладылар.

ТР буенча ЭЭМ коллегиясенең һәм Хокукый мәсьәләләр буенча ведомствоара координацияләү комитетының уртак күчмә утырышы эшендә Татарстан Республикасы Прокуроры К.Ф.Әмиров, “Әлмәт муниципаль районы” муниципаль берәмлеге башлыгы Р.Ф.Әбүбәкеров катнаштылар.

Йомгаклау сүзе белән Р.Ф.Моратов чыгыш ясады. Ул килеп туган мәсьәләләр турында бергәләп фикер алышу, һичшиксез, дөрес һәм уйланылган карарлар кабул итүгә китерәчәгенә үзенең ышанычын белдерде.