Татарстан Республикасы Премьер-министры белән очрашу

Татарстан Республикасы Министрлар Кабинетында Татарстан Республикасы юстиция министры М.М.Корманов Татарстан Республикасы Премьер-министры Р.Н.Миңнеханов белән очрашты, анда “Татарстан Республикасында җәмәгать судьялары суд участокларын һәм җәмәгать судьялары вазыйфаларын булдыру турында” Татарстан Республикасы Законына үзгәрешләр кертү хакында” ТР законы проекты, шулай ук җәмәгать судьялары эшчәнлеген матди-техник тәэмин итү мәсьәләсе, Татарстан Республикасы җәмәгать судьялары тарафыннан хөкем чыгаруны яхшырту юллары һәм чараларын эзләү турында фикер алышынды.

Моннан тыш, Федераль теркәүгә алу хезмәтенең Татарстан Республикасы буенча идарәсе бинасында урнашкан документларны теркәүгә кадәр әзерләү залы эше турындагы мәсьәләгә дә кагылып үтелде. Фикер алышу барышында гражданнарның һәм оешмаларның хокукларын һәм законлы мәнфәгатьләрен гамәлгә ашыруны тәэмин итү буенча документларны теркәүгә кадәр әзерләү процессының нәтиҗәлелеген күтәрү, шулай ук күчемсез мөлкәткә хокукларны һәм аның белән килешүләрне теркәүгә кадәр әзерләгәндә һәм дәүләт теркәвенә алганда дәүләт хезмәте күрсәтүләрнең сыйфатын арттыру алымнары билгеләнде.