Дәүләт мәнфәгатьләре якланырга тиеш

Татарстан Республикада гамәлдә булган предприятиеләрне финанс савыктыру һәм банкротлыгы мәсьәләләре бүген Федераль салым хезмәтенең Татарстан Республикасы буенча идарәсендә үткән киңәшмәдә яңгырады. Аны Салым хезмәте идарәсе җитәкчесе М.Р.Шаһиәхмәтов үткәрде. Киңәшмәдә Татарстан Республикасы юстиция министрының беренче урынбасары С.Н.Столяров та катнашты һәм чыгыш ясады.

Банкротлык чигендә булган яки инде ликвидация режимына күчкән предприятиеләр белән нәтиҗәле эшчәнлекне катлауландырган төп мәсьәләләр – компетенциясенә банкротлык һәм финанс савыктырунең барлык мәсьәләләре дә кергән бердәй органның булмавы, бу өлкәдә төрле стадияләрдә контрольдә тоту эш-гамәлләрен башкаручы дәүләт органнарының килешеп эшләмәве.

С.Н.Столяров билгеләп үткәнчә, банкротлык мәсьәләләре буенча бөтен норматив-хокукый база диярлек федераль хакимият органнары алып баруында булган шартларда килеп туган проблемаларны хәл итүнең иң максатка ярашлы һәм уңайлы ысулы булып составына республиканың башкарма хакимият органнары, шулай ук федераль башкарма хакимият органнарының территориаль органнары вәкилләре кергән киңәшү органы төзү тора. Мондый орган банкротлык процедуралары барышында Татарстан Республикасы мәнфәгатьләрен якларга мөмкинлек бирәчәк комплекслы чараларны оператив һәм квалифицияле эшли алыр иде.

Киңәшмәдә Татарстан Республикасы министрлыклары һәм ведомстволары, федераль территориаль органнар җитәкчеләре һәм белгечләре катнашты. Алар дәүләт мәнфәгатьләрен тәэмин итү максатларында Татарстан Республикасы вәкаләтләре кысаларында финанс савыктыру һәм банкротлык процедураларына тагын да нәтиҗәлерәк тәэсир итә алырлык чаралар системасын эшләү турында карар кабул иттеләр.