Һәркем алырлык торак – Хөкүмәтнең игътибар үзәгендә

Кичә ТР Министрлар Кабинетында Татарстан Республикасы Премьер-министры Р.М.Миңнеханов катнашында торакны гамәлгә кертү һәм Авыл җирлегендә яшәүче яшь гаиләләр һәм яшь белгечләр өчен торак төзү программасына үтәү барышы буенча киңәшмә- видеоконференция булды.

Анда Татарстан Республикасы Президенты Аппараты җитәкчесе Ю.З.Камалтынов, юстиция министры М.М.Корманов, төзелеш, архитектура һәм торак-коммуналь хуҗалык министры М.Ш.Хөснуллин, Премьер-министр урынбасары – авыл хуҗалыгы һәм азык-төлек министры М.Г.Әхмәтов, җир һәм мөлкәт мөнәсәбәтләре министры В.П.Васильев, Татарстан Республикасы Министрлар Кабинеты Аппаратының җаваплы хезмәткәрләре, министрлыклар һәм ведомстволар вәкилләре катнашты.

Казаннан тыш барлык муниципаль берәмлекләр дә диярлек торакны файдалануга тапшыру буенча еллык бурычлар күләменең үтәлүен рәсми төстә расладылар. Җир кишәрлекләрен инженер челтәрләре белән җиһазландыру мәсьәләсендә республика ягыннан ярдәм булган шартларда кайбер районнарда торакны еллык бурычтан арттырып төзергә әзерләр. Шул ук вакытта Татарстанда яшь гаиләләрне торак белән тәэмин итүнең 2006 елгы программасы әле тәмамланмаган. Төрле дәрәҗәдәге бюджет чаралары тулы күләмдә килүгә карамастан, 286 гаилә әлегә кадәр үз фатирларын көтә.

Киңәшмәдә шулай ук “Россия гражданнарына – һәркем алырлык һәм уңайлыклы торак” һәм “Авылның яшь гаиләләрен һәм белгечләрен торак белән тәэмин итү” программасы буенча АСК үстерү” илкүләм проектларын тормышка ашыруга кагылышлы мәсьәләләр карап тикшерелде.