Гражданнар мөрәҗәгатьләрен урыннарга чыгып тикшерү

“Россия Федерациясе гражданнары мөрәҗәгатьләрен карап тикшерү тәртибе турында” Федераль законның 9 статьясы нигезендә дәүләт органы кирәк булган очракта мөрәҗәгатьне урынга чыгып тикшерүне тәэмин итә ала.

Граждан Сибгатуллина Дания Шәйдул кызы Татарстан Республикасы Юстиция мнистрлыгына үз гаризасы карап тикшерелү вакытының Татарстан Республикасы Питрәч муниципаль районының Шигали авыл җирлеге Башлыгы тарафыннан бозылуы хакында шикаять белән мөрәҗәгать итте.

Әлеге мөрәҗәгатьне объектив һәм төрле яктан тикшерү максатларыннан Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты җитәкчесе урынбасары И.Х.Миңнегулов һәм Татарстан Республикасы юстиция мнистры ярдәмчесе М.Х.Хасанов 2007 елның 8 августында Татарстан Республикасы Питрәч муниципаль районының Иске Шигали авылына барып кайттылар.

Мөрәҗәгатьне урында карап тикшерүдә Татарстан Республикасы Питрәч муниципаль районының Шигали авыл җирлеге Башлыгы Шакиров Р.Ф., Шигали авыл җирлеге Советының социаль мәсьәләләр, регламент, хокук тәртибе мәсьәләләре буенча даими комиссиясе әгъзалары - депутатлар Ивановская Т.Г. һәм Ловягина М.К., шулай ук мөрәҗәгать итүче үзе - Сибгатуллина Д.Ш. катнаштылар.

Шигали авыл җирлегенең вазыйфаи затларына “Россия Федерациясе гражданнары мөрәҗәгатьләрен карап тикшерү тәртибе турында” Федераль закон, “Татарстан Республикасында  гражданнар мөрәҗәгатьләре турында” Татарстан Республикасы Законы, Татарстан Республикасы Питрәч муниципаль районы Уставы, Татарстан Республикасы Питрәч муниципаль районының Шигали авыл җирлеге Уставы

нигезләмәләрен, аерым алганда, гражданнарның язма мөрәҗәгатьләрен карап тикшерү вакытын үтәргә кирәклеге искә төшерелде. Искә төшерәбез, “Россия Федерациясе гражданнары мөрәҗәгатьләрен карап тикшерү тәртибе турында” Федераль законның 12 статьясы нигезендә язма мөрәҗәгать 30 көн дәвамында карап тикшерелә.

Мөрәҗәгатьне урынга чыгып карап тикшерү йомгаклары турында Питрәч муниципаль районы Башлыгы урынбасары Г.Ф.Волостновага хәбәр ителде.

Җирле үзидарә органының вазыйфаи затлары белән очрашу барышында Миңнегулов И.Х башкарма хакимият органнарының җирле үзидарә органнары белән багланышлары турында; җирле әһәмияттәге мәсьәләләрне хәл иткәндә җирле үзидарә органнарының компетенциясе турында, шулай ук дәүләт милкендәге объектларны муниципаль милеккә бирүнең кайбер проблемалары турында мөһим сорауларга җавап бирде.