Балигъ булмаганнар эшләре һәм аларның хокукларын яклау буенча комиссияләр белән хезмәттәшлек

Россия Федерациясе Конституциясенең 38 статьясы нигезендә балалык чоры безнең илдә дәүләт яклавында, һәм балалар турында кайгырту һәм аларны тәрбияләү гаилә әгъзаларының, дәүләт хакимияте органнарының, җирле үзидарә органнарының конституциячел бурычлары булып тора. Балигъ булмаганнар эшләре һәм аларның хокукларын яклау буенча комиссияләргә аерым бурычлар йөкләнә.

Медодик, оештыру һәм хокукый ярдәм күрсәтү максатларыннан Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты җитәкчесе урынбасары И.Х.Миңнегулов һәм 1 категорияле белгече Е.В.Озерова 2007 елның 9 августында “Казан шәһәре” муниципаль берәмлеге Вахитов районының балигъ булмаганнар эшләре һәм аларның хокукларын яклау буенча комиссиясе утырышында катнаштылар.

Комиссия эшендә шулай ук Казан шәһәре Вахитов районы прокуроры ярдәмчесе К.А.Соловьева да катнашты.

Комиссия тарафыннан берничә материал карап тикшерелде, аерым алганда ата-аналарның балигъ булмаганнарны карау һәм тәрбияләү буенча бурычларын үтәмәүләре өчен җаваплылык мәсьәләсенә игътибар бирелде.

Балигъ булмаганнарга кагылышлы ачык мисаллар нигезендә И.Х.Миңнегулов балигъ булмаганнар эшләре һәм аларның хокукларын яклау буенча комиссияләргә Хокукый мәсьәләләр буенча ведомствоара комитет һәрдаим игътибар итеп килгән принципларга таянып эш итәргә кирәклекне ассызыклады. Болар:

- законлылык; балигъ булмаганнар белән шәфкатьле булу;

- гаиләгә һәм аның белән үзара мөнәсәбәтләргә булышлык итү;

- балигъ булмаганнарны төзәтүгә индивидуаль якын килү;

- балигъ булмаганнарның хокукларын һәм законлы мәнфәгатьләрен бозган өчен ата-аналарның (законлы вәкилләрнең), вазыйфаи затларның һәм гражданнарның җаваплылыгы.

Комиссия әгъзалары балигъ булмаганнарның караучысыз калуларын һәм хокуклары бозылуларны профилактикалау белән бәйле проблемаларны уртага салып бергәләп сөйләшүгә уңай бәя бирделәр һәм моның һичшиксез нәтиҗәсе булачагына ышанып калдылар.