Торак урыннарын яраксыз дип тану турында РФ Хөкүмәте карарына үзгәрешләр кертелде

2006 елның гыйнвар аенда РФ Хөкүмәте “Урынны торак урыны дип, торак урынны яшәү өчен яраксыз дип һәм күп фатирлы йортны авария хәлендә һәм җимерелергә тиеш дип тану турында нигезләмәне раслау хакында” карар кабул итте. Ул торак урынына карата таләпләр, торак урынын яшәү өчен яраклы дип тану тәртибен һәм торак яшәү өчен яраксыз, аерым алганда  күп фатирлы йортны авария хәлендә һәм җимерелергә тиеш дип тану өчен нигезләр билгели. Бу Нигезләмәнең гамәлдә булуы Россия Федерациясе территориясендә урнашкан торак урыннарына аларның милекчелек формасы нинди булуга бәйсез рәвештә тарала.

2007 елның августында РФ Хөкүмәте рәисе югарыда күрсәтелгән карарга үзгәрешләр кертүгә кул куйды. Аның нигезендә яшәү өчен яраксыз дип башкарма хакимиятнең вәкаләтле дәүләт органы тарафыннан билгеләнә торган техноген хәвеф-хәтәрләр вакытында барлыкка килергә мөмкин җимерелүләр зонасында урнашкан торак урыннар танылачак, әгәр инженер һәм проектлар юллары ярдәмендә торак урыннары җимерелүне булдырмый калу мөмкин булмаса. Күрсәтелгән зоналарда урнашкан күп фатирлы йортлар авария хәлендә һәм җимерелергә яки реконструкцияләнергә тиеш дип танылалар.

Нигезләмәдә техноген хәвеф-хәтәрләр вакытында барлыкка килергә мөмкин җимерелүләр зонасы дигәндә булган техноген хәвеф-хәтәр белән бәйле җимерелү янаган торак урыннар һәм күп фатирлы йортлар урнашкан территория күз алдында тотыла.