ЗАГС Идарәсе коллегиясе

Кичә Татарстан Республикасы юстиция министры урынбасары – Хокукый мәсьәләләр буенча җирле үзидарә органнары белән багланышлар оештыру департаменты җитәкчесе А.А.Ощепков Татарстан Республикасы Министрлар Кабинетының ЗАГС Идарәсе коллегиясе утырышында катнашты, анда “Татарстан Республикасында җирле үзидарә органнарына граждан хәле актларын дәүләт теркәвенә алу вәкаләтләрен бирү турында” Татарстан Республикасы Законы нигезләмәләрен гамәлгә ашыру буенча эш йомгаклары чыгарылды.

Республика муниципаль берәмлекләренең җирле үзидарә органнарының югарыда күрсәтелгән Законның нигезләмәләрен үтәүләрен тикшерү нәтиҗәләре турында ТР КМ ЗАГС Идарәсенең граждан хәле актларын дәүләт теркәвенә алу эшчәнлеген контрольдә тоту һәм оештыру бүлеге җитәкчесе Б.Т.Хафизов җиткерде. Әлеге тикшерүләр ТР КМ ЗАГС Идарәсе тарафыннан Федераль теркәүгә алу хезмәтенең Татарстан Республикасы буенча идарәсе белән бергә оештырылды.

Доклад турында фикер алышуда Федераль теркәүгә алу хезмәтенең ТР буенча идарәсе, Татарстан Республикасы Мәгълүмати технологияләр үзәге, РФ ЮМның Идел буе федераль округы буенча Баш идарәсенең РФ субъектларының закон чыгару һәм ТРда федераль регистр алып бару бүлеге вәкилләре чыгыш ясадылар.

Аннары коллегия әгъзалары Казан шәһәренең Башкарма комитеты ЗАГС Идарәсе, Бөгелмә һәм Теләче муниципаль районнары башкарма комитетлары бүлекләренең бирелгән дәүләт вәкаләтләрен үтәүләре турында хисаплар тыңладылар.

Эш йомгаклары буенча республика муниципаль берәмлекләре арасында граждан хәле актларын дәүләт теркәвенә алу вәкаләтләрен үтәү өчен федераль субвенцияләрнең дөрес бүленгәнлеген контрольдә тотуны гамәлгә ашыру өлешендә чаралар үткәрү турында, шулай ук Татарстан Республикасы

Юстиция министрлыгының муниципаль берәмлекләрнең ЗАГС органнары турында, граждан хәле актларын дәүләт теркәвенә алуга бирелгән аерым дәүләт вәкаләтләренең үтәлеше турында нигезләмәләрне аларның Россия Федерациясе һәм Татарстан Республикасы законнарына туры килү өлешендә эксперт анализын бергә үткәрүне дәвам итү турында карарлар кабул ителде.

Коллегия эшендә ТР Министрлар Кабинеты Аппаратының дәүләт хакимиятенең һәм җирле үзидарәнең башкарма органнары багланышларын оештыру бүлеге җитәкчесе А.Г.Исхаков катнашты.