Әлмәт муниципаль районында яңа Гөлбакча торак пунктын төзү турында

Татарстан Республикасы Юстиция министрлыгында Әлмәт муниципаль районында Иске Михайловка авыл җирлеге территориясендә яңа торак пункт төзү турында Татарстан Республикасы Хөкүмәте бәяләмәсен әзерләү һәм аңа “Гөлбакча” исемен бирү турында мәсьәлә карап тикшерелгән киңәшмә булды.

“Гөлбакча” авылына 1917 елда нигез салынган. 80 еллар ахырында авыл таркалуга дучар булган һәм Татария АССР Югары Советы Президиумы Указы белән исәп мәгълүматларыннан төшереп калдырылган. 90 еллар ахырында элеккеге “Гөлбакча” авылына кешеләр (“Җәлилнефть” НГДУ эшчеләре, эшкуарлар, колхозчылар, пенсионерлар) кире әйләнеп кайта башладылар һәм моңа бәйле торак пунктны яңадан төзү мәсьәләсе барлыкка килде.

Киңәшмәдә Татарстан Республикасы Министрлар Кабинеты, ТР Әлмәт муниципаль районы җирле үзидарә органнары, ТР Министрлар Кабинетының Икътисадый һәм социаль тикшеренүләр үзәге, ТР Икътисад министрлагы, ТР Мәгариф һәм фән министрлыгы, ТР Мәгълүматлаштыру һәм элемтә министрлыгы, ТР Сәламәтлек саклау министрлыгы, ТР Җир һәм мөлкәт мөнәсәбәтләре министрлыгы, ТР Транспорт һәм юл хуҗалыгы министрлыгы, Татарстан Республикасының социаль-икътисадый мониторинг комитеты вәкилләре катнашты.

Киңәшмә нәтиҗәләре нигезендә министрлыклар һәм ведомстволар Татарстан Республикасы Хөкүмәте бәяләмәсе проектын әзерләү өчен үзләренең тәкъдимнәрен кертергә тиеш.

Киңәшмәне Татарстан Республикасы юстиция министры М.М.Корманов алып барды.