Закон чыгаручылар 1 сентябрьгә мәктәп укучыларына нинди көтелмәгән бүләкләр әзерләгән?

1 сентябрьдә россия мәктәпләренә берничә яңалык кертелә. Яңа уку елыннан РФ Президенты 2007 елның 24 июлендә кул куйган мәҗбүри тулы урта белем турында закон көченә керә.

Документ башлангыч гомуми, төп гомуми һәм урта (тулы) гомуми белемнән гыйбарәт мәҗбүри гомуми белемне беркетә. Моңа бәйле күп кенә яңалыклар кертү зарурлыгы туды. 9 нчы сыйныфта 15 яшькә кадәр түгел, ә 18 яшькә кадәр “утырып калырга” рөхсәт ителә, ә 11 нче сыйныфлар өчен бернинди чикләүләр дә юк. Әмма хәрби хезмәткә баруны кичектереп тору мөмкинлеге 20 яшькә кадәр генә бирелә.

Начар билгеләргә укучыларны тагын бер яңалык сөендерәчәк- югары (10 нчы һәм 11 нче) сыйныфларда балаларны икенче елга калдыру тыела. Мәктәп программасын үзләштерергә өлгермәгәннәр белем алуларын башка формада (читтән торып, кичке мәктәптә һ.б.) тәмамлый алалар. Яңалыклар студентларны да читләтеп үтми. РФ Мәгариф һәм фән министрлыгы башлыгы ике баскычлы югары белем системасы турында закон проекты Дәүләт Думасына инде кертелгән һәм бәлки көзге парламент сессиясендә үк кабул ителер дип хәбәр итә. Шулай булган очракта, ул 2008 елның 1 гыйнварыннан гамәлдә йөри башлаячак.

 

РИА Новости материаллары буенча