Баулы муниципаль районы һәм Баулы шәһәре җәмәгать судьяларының суд участокларында эш алып баруны оештыру

2007 елның икенче ярты еллыгына ТР Юстиция министрлыгының эш планы нигезендә җәмәгать судьялары эшчәнлеген тәэмин итү буенча оештыру-методика эше бүлеге белгечләре Баулы муниципаль районы һәм Баулы шәһәре җәмәгать судьяларының суд участокларында эш алып баруның оештырылуын тикшерделәр.

Бу елның беренче ярты еллыгына суд статистикасы мәгълүматларын гомумиләштерү нәтиҗәләре буенча Баулы муниципаль районы һәм Баулы шәһәре җәмәгать судьялары 39 җинаять эшен карап тикшергәннәр. Узган елның шушы чорана аларның саны 36 булган.

Баулы районы җәмәгать судьялары башкаруында 758 граждан эше, бу сан узган елның шушы чоры күрсәткечләреннән 11,8%ка артып китә, шулай ук административ хокук бозулар турында 659 эш карап тикшерелгән.

2007 елның беренче ярты еллыгы нәтиҗәләреннән чыгып, Баулы муниципаль районының 1 җәмәгать судьясына йөкләнеш җинаять эшләре буенча бер айга - 3,7 эш, граждан эшләре буенча – 72,2 эш, административ эш алып бару эшләре буенча 62,8 эш тәшкил итә.

Делолар процессуаль вакытны бозмыйча карап тикшерелгәннәр.

“Россия Федерациясендә җәмәгать судьялары турында” ФЗның 8 ст. һәм РФ Югары Судының Суд департаменты мәгълүмати хаты нигезендә урынында булмаган җәмәгать судьясының суд участогыннан делолар аның вазыйфаларын вакытлыча башкаручы җәмәгать судьясының суд участогына күчерелмиләр. Алар теркәүгә алынган суд участогында теркәләләр, карап тикшереләләр, үтәлүгә җибәреләләр һәм архивында сакланалар.

Әмма 2006 елда Ютазы районы суд участогының җәмәгать судьясы вазыйфасын Баулы районы суд участогының җәмәгать судьясы биләп торган вакытта Ютазы районына килгән барлык корреспонденция һәм делолар Баулы районы журналында теркәлү узганнар һәм еллык хисап төзегәндә делолар Баулы районы җәмәгать судьясы тарафыннан карап тикшерелгәннәр буларак исәпкә алынган. Җинаять, граждан эшләре һәм административ материаллар Баулы районы җәмәгать судьясы тарафыннан Ютазы районы территориясендә түгел, ә үз территориясендә карап тикшерелгәннәр.

2007 елда Ютазы районы суд участогының җәмәгать судьясы вакытлыча үз урынында булмау чорына Баулы районы суд участогында хөкем чыгару вазыйфаларын башкару тәртибе югарыда әйтеп үтелгән мәгълүмати хат нигезендә оештырылган.

ТР Юстиция министрлыгы үз компетенциясе нигезендә Татарстан Республикасы җәмәгать судьялары эшчәнлеген оештыруны тәэмин итү эшчәнлеген алып бара.

Баулы муниципаль районында җәмәгать судьялары аппараты эшен оештыруны өйрәнү җәмәгать судьялары суд участокларында суд хакимияте символлары турында законнарның таләпләре үтәлүне күрсәтте. Эчке хезмәт тәртибе кагыйдәләрендә эш вакытының тәртибе билгеләнгән. Җәмәгать судьялары тарафыннан гражданнарны кабул итү халыкны кабул итү көннәренә һәм сәгатьләренә бәйсез рәвештә эш көне дәвамында тормышка ашырыла. Гражданнар бозылган хокукларын, ирекләрен һәм законлы мәнфәгатьләрен яклауны сорап судка мөрәҗәгать итү хокукларын каршылыксыз гамәлгә ашыру өчен шартлар тудырылган. Суд участокларында эш алып бару эш алып бару кулланмасы нигезендә оештырылган. Ләкин суд утырышы беркетмәсен төзүдә, шулай ук архив делоларын сайлап алу һәм саклауга карата таләпләрнең кайбер урыннарда бозылулары ачыкланган.

Җәмәгать судьялары аппараты эшчәнлеген оештыруны өйрәнү нәтиҗәләре буенча җәмәгать судьяларының һәм аларның аппараты хезмәткәрләренең белешмәләре турында фикер алышулар булды. Бу елда үтәлергә тиеш бурычлар да билгеләнде.