Казанда инфокоммуникация технологияләр буенча халыкара конференция

Бүген “Пирамида” МКҮдә ТР Премьер-министры Р.Н.Миңнеханов катнашында “Глобаль мәгълүмати җәмгыятьнең инфокоммуникация технологияләре” V юбилей халыкара конференциясе узды, ул РФ Мәгълүмати технологияләр һәм элемтә министрлыгы, РФ Министрлар Кабинеты һәм Халыкара элемтә академиясе ярдәме белән ТР Мәгълүматлаштыру һәм элемтә министрлыгы тарафыннан оештырылган иде.

Конференция эшендә ТР мәгълүматлаштыру һәм элемтә министры Ф.М.Фазылҗанов, ТР мәгариф һәм фән министры Н.М.Вәлиев, Казан шәһәре башкарма хакимияте җитәкчесе М.Заһидуллов, Россия ФСТЭКнең Идел буе федераль округы буенча идарәсе җитәкчесе А.Мартынов, казан вузларының ректорлары һәм Россиядән һәм чит илләрдән 560 тан артык делегат катнашты. Татарстан Республикасы юстиция министрлыгын хокукый мәгълүмат һәм компьютер системалары бүлеге җитәкчесе А.Г.Сафин тәкъдим итте.

Конференциядә катнашучыларны сәламләп, Премьер-министр Р.Н.Миңнеханов республиканың югары технологияләр өлкәсендә технопарклар булдыру буенча иң алдынгы төбәкләрнең берсе итеп сайлануны ассызыклап үтте. Казанда төзелә торган ИТ-технопарк мәгълүмати технологияләрдә республика эчендәге ихтыяҗларын гына түгел, ә алар белән россия һәм дөнья базарына чыгу ихтыяҗларын да тәэмин итүгә юнәлтелгән.

Татарстанда башкарма хакимият органнарында инновацияләр комплексы итеп “ТР Электрон Хөкүмәтен” этаплап гамәлгә кертүне күрсәтергә була. Аңа республиканың барлык министрлыклары һәм районнары (барлыгы 1000 артык оешма, шуларның 700-е ТР районнарында урнашкан) тоташтырылган. Республика масштабларында үзенең глобаль мәгълүмат челтәре булдырылган, ул ТР Хөкүмәте эшчәнлегенә видеоконференцияләрне, электрон документлар әйләнешен керетргә, бердәм ТР Хөкүмәте Порталын кулланышка кертергә мөмкинлек бирде.

Конференциядә катнашучылар эшләүләрен иртәгә дәвам итәчәк. Ул алты секциягә бүленеп оештаралачак: “Югары технологияләр өлкәсендә технопарклар”, “Электрон Хөкүмәт”, “Бердәм мәгълүмат мәйданын булдыруда инфокоммуникация технологияләр”, “Мәгълүмати куркынычсызлык”, “Мәгарифтә инфокоммуникацияләр”, “Глобаль мәгълүмати җәмгыятьнең инфокоммуникация технологияләренең икътисадый һәм социаль нәтиҗәлелеге”.