ТР Юстиция министрлыгы норматив хокукый актларга коррупциягә каршы экспертиза үткәрергә өйрәтә

Бүген ТР Юстиция министрлыгының Коррупциягә каршы экспертиза буенча республика советы һәм Татарстан Республикасының коррупциягә каршы сәясәтен гамәлгә ашыру бүлеге карары нигезендә норматив хокукый актларга һәм аларның проектларына коррупциягә каршы экспертиза үткәрү өчен җаваплы белгечләр өчен бер көнлек семинар укулары үткәрелде. Укуларда республиканың барлык муниципаль районнарыннан, үзләренең учреждениеләрендә НХАга коррупциягә каршы экспертиза үткәрү өчен җаваплы дип билгеләнгән министрлыклардан һәм ведомстволардан 100 дән артык вәкил белем эстәде.

Укуларны Татарстан Республикасы юстиция министры М.М.Корманов һәм Татарстан Республикасының коррупциягә каршы сәясәтен гамәлгә ашыру бүлеге җитәкчесе Ш.Х.Дәүләтгилдиев ачты.

Дәресләрнең билгеләнгән тәртибендә каралганча, Икътисад, идарә һәм хокук институтының юридик факультеты деканы ю.ф.к. П.А.Кабанов һәм ТР Прокуратурасы бүлеге прокуроры Л.М.Мәҗитова семинарда катнашучыларга коррупциягә каршы экспертиза үткәрү нигезләренә, аны үткәрү методикасына һәм аның нәтиҗәләре буенча бәяләмә әзерләүгә багышланган лекцияләр укыдылар. Гамәли дәресләрне ТР Юстиция  министрлыгының закон проектлары белән эшләү бүлеге җитәкчесе Ә.Р.Каримова һәм ТР Прокуратурасы бүлеге прокуроры Л.М.Мәҗитова үткәрделәр.

Татарстан Республикасы Юстиция  министрлыгы җаваплы вазыйфаи затларга норматив хокукый актларга коррупциягә каршы экспертиза үткәрү эшләрендә белешмә материаллар буларак ярдәм итәчәк Методик материаллар җыентыгын нәшер итте.

“Түгәрәк өстәл” янында НХАга һәм аларның проектларына коррупциягә каршы экспертизаның мөһим мәсьәләләре турында фикер алышуда ТР юстиция министры М.М.Корманов, ТР юстиция министрының беренче урынбасары С.Н.Столяров, Татарстан Республикасының коррупциягә каршы сәясәтен гамәлгә ашыру бүлеге җитәкчесе Ш.Х.Дәүләтгилдиев катнаштылар.

Семинар тәмамланганнан соң, юстиция министры тыңлаучыларга норматив хокукый актларга һәм аларның проектларына коррупциягә каршы экспертиза үткәрү буенча укыганлыкны таныклаучы сертификатлар тапшырдылар.

Семинар эшендә шулай ук ТР коррупциягә каршы сәясәтен гамәлгә ашыру бүлеге баш киңәшчесе Гатцук Е.Н., ТР Юстиция  министрлыгының эшләр идарәчесе Брусов С.А. катнаштылар.