Татарстан Республикасы дәүләт нотариуслары белән киңәшмә

Бүген Татарстан Республикасы юстиция министры М.М.Корманов Татарстан Республикасында дәүләт нотариуслары эшчәнлеге мәсьәләсе турында фикер алышынган киңәшмә үткәрде.

Билгеле булганча, әлеге мәсьәлә юстиция министрында узган эш киңәшмәсендә инде карап тикшерелгән иде. Бүгенге киңәшмәгә исә Татарстан Республикасының барлык дәүләт нотариуслары, шулай ук ТР юстиция министрының беренче урынбасары С.Н.Столяров, ТР Юстиция министрлыгының эшләр идарәчесе С.А.Брусов, ТР Министрлар Кабинеты, Федераль теркәүгә алу хезмәтенең ТР буенча идарәсе вәкилләре чакырылган иде.

Сүз Татарстан Республикасында дәүләт нотариуслары эшчәнлеген җайга салганда “Нотариат турында Россия Федерациясе законнары нигезләре” Федераль законын бозуларны бетерү турында барды.

Хәзерге вакытта дәүләт нотариаль контораларында югары юридик белемнәре һәм нотариаль эшчәнлек белән шөгыльләнү хокукына лицензияләре булмаган нотариусларның эшләве күзәтелә.

“Нотариат турында Россия Федерациясе законнары нигезләрен гамәлгә кертү тәртибе турында” РФ Югары Советы Карары нигезендә Россия Федерациясе составындагы республикаларның юстиция органнары югары юридик белемнәре булмаган һәм вазыйфаларына күрсәтелгән Нигезләр көченә кергәнче билгеләнгән дәүләт нотариуслары белән хезмәт шартнамәләренең гамәлдә булу вакытын озайтырга хокуклы, әмма күрсәтелгән очракларда хезмәт шартнамәләренең гамәлдә булуы нотариат турында Нигезләр көченә кергән вакытыннан бер елдан артыграк вакытка озайтыла алмый.

Моның белән бергә югары юридик белемнәре һәм нотариаль эшчәнлек белән шөгыльләнү хокукына лицензияләре булган һәм дәүләт нотариаль контораларында эшләүче дәүләт нотариусларының четерекле мәсьәләренә дә игътибар бирелде.