Арча һәм Биектау муниципаль районнарында хокук бозуларны профилактикалауны оештыру буенча ҖҮИ органнары эшчәнлегенең торышы турында

Хокук бозуларны профилактикалау буенча материалларны Хокукый мәсьәләләр буенча ведомствоара координацияләү комитеты утырышына әзерләү белән бәйле Татарстан Республикасы Министрлар Кабинеты карары белән Хокукый мәсьәләләр буенча ведомствоара координацияләү комитетының эшче төркеме оештырылды, аңа ТР Юстиция министрлыгы, ТР буенча Эчке эшләр министрлыгы, ТР буенча ҖҮФХДИ, ТР Яшьләр эшләре, спорт һәм туризм министрлыгы, ТР Мәгариф һәм фән министрлыгы, ТР Хезмәт, эш белән тәэмин итү һәм социаль яклау министрлыгы вәкилләре керде.

Җитәкчесе итеп Татарстан Республикасы юстиция министры М.М.Корманов билгеләнде.

Эшче төркем әгъзалары 2007 елның 11 һәм 13 сентябрендә республиканың Арча һәм Биектау муниципаль районнарында булдылар.

Муниципаль районнарда эш барышында җирле үзидарә органнарының халык арасында, иң беренче чиратта административ комиссияләр, балигъ булмаганнар эшләре һәм аларның хокукларын яклау комиссияләре, опека һәм попечительлек комиссияләре, эчке эшләр органнары контролен һәм координацияләвен таләп итүче балигъ булмаганнар һәм гражданнарның башка категорияләре арасында профилактик эшне оештыру буенча эшчәнлек торышы өйрәнелде.

Эш нәтиҗәләре буенча белешмәләр төзелде, йомгаклар ясау һәм хокук бозуларны комплекслы профилактикалау буенча эшне активлаштыру буенча киңәшмәләр үткәрелде, җирле үзидарә органнары өчен тәкъдимнәр әзерләнде.

Аерым алганда, Арча муниципаль районында кадрлар тәрбияләү буенча район программасын эшләргә; 2008 елда җирле бюджетлар чаралары хисабына яңа эш урыннары барлыкка китерүче һәм аларга инвалидларны һәм социаль яклауга аеруча мохтаҗ гражданнарны урнаштыручы эш бирүчеләрне стимуллаштырырга; район милициясенең участок пунктларында Җәмәгатьчелек советы эшен оештырырга; ЭЭБ җитәкчелегенә милициянең участок пунктларында гражданнарны бергәләп кабул итүнең графигын эшләргә; район җитәкчелегенә ТР Арча районында 10 нчы районара җинаять-башкарма инспекцияне урнаштыруга ярдәм итәргә тәкъдим ителде.

Шулай ук республиканың башкарма хакимият органнары белән бергә хәл итәргә кирәкле мәсьәләләр, шул исәптән Арча муниципаль районында балаларны сәламәтләндерү, ялларын оештыру һәм укыту программаларын гамәлгә ашыру өчен балалар сәламәтләндерү стационар лагерын төзү мәсьәләсе күтәрелде.

Биектау муниципаль районы җирле үзидарә органнарына социаль тернәкләндерүгә мохтаҗ балигъ булмаганнар, социаль куркыныч хәлдә булган, ата-аналары балаларын тәрбияләмәгән һәм карап тормаган гаиләләрдән булган балалар өчен махсус учреждениеләргә урнаштыру мәсьәләләрен кичектергесез хәл итү буенча эшне оештырыга; районның мәгариф бүлегенә барлык мәгариф учреждениеләре базасында профилактикалау советлары төзергә, аларның эш планын һәм утырышлары графигын эшләргә тәкъдим ителде.