Татар телендә электрон китапханә төзү турында

Бүген Татарстан Республикасы юстиция министры М.М.Корманов эш киңәшмәсе үткәрде, анда Россия Федерациясе һәм Татарстан Республикасы төп норматив хокукый актларының татар телендә электрон китапханәсен төзү турында мәсьәлә каралды.

Сүз 2007 елның 12 февралендәге 192-Р номерлы ТР Министрлар Кабинеты карарын үтәү турында барды, аның нигезендә Татарстан Республикасы Юстиция министрлыгына Россия Федерациясе һәм Татарстан Республикасы төп норматив хокукый актларының татар телендә электрон китапханәсен эшләү, төзү һәм гамәлдә булуын тәэмин итү йөкләнгән.

Норматив хокукый актларның бердәм банкының электрон версиясен “Гарант” тышлыгында эшләүче “Гарант-Софт” компаниясе хәзер Интернетта норматив документларның татар телендә график күчермәләрен урнаштыра башлый.

Программа Интернетка чыгу мөмкинлеге булган барлык гражданнарга һәм юридик затларга электрон китапханәгә керү мөмкинлеге бирәчәк.

Киңәшмәдә ТР юстиция министрының беренче урынбасары С.Н.Столяров, “Гарант-Софт” компаниясе генераль директоры урынбасары Т.Н.Шайхутдинов, “Гарант-Софт” компаниясенең юридик бүлеге җитәкчесе Д.А.Демидов, ТР Юстиция министрлыгының закон проектлары белән эшләү бүлеге җитәкчесе Ә.Р.Кәримова, финанс бүлеге җитәкчесе Г.Х.Дәүлиев, министр ярдәмчесе М.Х.Хәсәнов, ТР норматив хокукый актларының бердәм банкы бүлеге җитәкчесе урынбасары РТ Э.И.Слепнева һәм башка белгечләр катнашты.