Җирле үзидарә мәсьәләләре буенча бөтенроссия конференциясен оештыру турында

Татарстан Республикасы юстиция министры М.М.Корманов оператив киңәшмә үткәрде, анда “Җирле үзидарәне формалаштыруның хәзерге этабында җирле үзидарә органнары, башкарма хакимиятнең территориаль органнары, иҗтимагый оешмалар багланышларының нәтиҗәле механизмнарын барлыкка китерү мәсьәләләре” бөтенроссия фәнни-гамәли конференциясен оештыру турында мәсьәлә каралды, ул 2007 елның 5 октябрендә Казанда «АК БАРС» “Яшьләр үзәге”нең концерт залында үтәчәк.

Конференция Россия Федерациясенең Регионнарны үстерү министрлыгы тәкъдиме белән үткәрелә. Аның оештыручылары – Россия Федерациясенең Регионнарны үстерү министрлыгының Федератив мөнәсәбәтләр, дәүләт идарәсе һәм җирле үзидарә департаменты, Сәнәгатьтә икътисад һәм идарә институты, Татарстан Республикасы Юстиция министрлыгы.

Конференцияне әзерләү һәм үткәрү өчен эшче төркем составы расланды, әзерлек эшләрендә катнашучы һәр бүлек һәм Хокукый мәсьәләләр буенча җирле үзидарә органнары белән багланышлар оештыру департаменты белгечләре өчен бурычлар билгеләнде, конференциядә катнашучылар өчен Министрлыкның  http://minjust.tatar.ru/tat/konferenc.htm адресы буенча рәсми сайтында конференциядә каралачак мәсьәләләр исемлеген, оештыру комитеты составын, катнашучыларны теркәүгә алу формасын, докладларның тезисларын формалаштыру шартларын үз эченә алган бүлек ачылды. Конференция нәтиҗәләре буенча конференция материаллары җыентыгын бастырып чыгару күздә тотыла.