Тарловка поселогын Чаллы шәһәр округы составына кертү турында

Татарстан Республикасы юстиция министры М.М.Корманов Чаллы шәһәр округында эшлекле сәфәрдә булды һәм чираттагы тапкыр Тарловка поселогы халкы белән аларның поселокларының кайсы территориягә каравы турында бәхәсле мәсьәләне хәл итү өчен очрашты.

Искә төшерәбез, картографик тасвирлама нигезендә “Чаллы шәһәре” муниципаль берәмлегенең төньяк чиге Кама елгасы фарватеры буенча урнашкан. Тарловка территориясе Кама елгасының уң як ярында кара полосалы кишәрлек булып тора, ягъни Тукай муниципаль районына керүче Түбән Кама сусаклагычы җирләре аша уза. Моның белән бәйле Тарловка поселогы территориясе бер генә муниципаль берәмлекнең дә состав өлешенә кертелмәгән. Килеп туган хәлдән Тарловка территориясендә яшәүчеләрнең коммуналь хезмәт күрсәтү, тарнспорт белән тәэмин итү, күчемсез милек объектларына хокукларны теркәү, торак урыннарны хосусыйлаштыру һәм башкалар буенча проблемалары туды.

Юстиция министры М.М.Корманов ТР Дәүләт Советы депутатлары һәм Чаллы шәһәр округы җирле үзидарә органнары җитәкчеләре белән берлектә берничә тапкыр поселок халкы белән очрашты. Әңгәмәләр барышында җирле үзидарә нигезләре, поселок нигезендә Тукай яки Алабуга муниципаль районы составында мөстәкыйль муниципаль берәмлек оештыруның уңай яклары (бюджет, сайланулы органнар, милициянең вәкаләтле участковые һ.б., ягъни поселок халкы чишелешен таләп иткән мәсьәләләр) аңлатылды. Биредә яшәүчеләр арасыннан мәнфәгатьле төркем төзелде, аның вәкилләре Круглое поле авылы нигезендә яңа оешкан муниципаль берәмлектәге, Тукай муниципаль районы авыл җирлекләрендәге җирле үзидарә органнары эше тәҗрибәсен өйрәнделәр. 2007 елның 25-26 сентябрендә ТР Юстиция министрлыгы Чаллы шәһәр округының җирле үзидарә органы, мәнфәгатьле төркем белән берлектә Тарловкада яшәүчеләрнең Тукай районы муниципаль берәмлеге составында мөстәкыйль муниципаль берәмлек булыргамы яки Чаллы шәһәренең состав өлеше булыргамы теләүләрен белү максатыннан сораштыру үткәрде

Үткәрелгән сораштыру, шулай ук халык җыелышы күрсәтүенчә, Тарловкада яшәүчеләрнең күпчелеге Чаллы шәһәренең состав өлеше булу теләген белдерде (территориаль иҗтимагый үзидарә, керемнәр һәм чыгымнар сметасы хокукы белән). Әлеге җыелышта поселокта яшәүчеләр Чаллы шәһәр округы җирле үзидарә органнарына һәм Татарстан Республикасы дәүләт хакимияте органнарына Тарловка поселогын округ составына кертергә рөхсәт белән мөрәҗәгать итәргә дигән карар кабул иттеләр. Чаллы шәһәр округы җитәкчелеге мондый карарга каршы түгел.

ТР Юстиция министрлыгы Чаллы шәһәр округы, Тукай муниципаль районы җирле үзидарә органнары белән үзара мөнәсәбәттә (зарур булганда шулай ук Алабуга муниципаль районы) әлеге муниципаль берәмлекләрнең чикләрен үзгәртү буенча кирәкле документларны, тиешле Татарстан Республикасы законы проектын әзерләүдә хокукый ярдәм күрсәтәчәк.