Минтранс рейслар тоткарлану һәм пассажирның билетын югалтуны исәпкә алып һава ташуларының яңа кагыйдәләрен кертә

РФ Транспорт министрлыгы пассажирлар, йөк җибәрүчеләр һәм йөк алучыларны һава ташуларына яңа кагыйдәләр кертә, аларда пассажирларның билетларын югалту һәм авиакомпанияләрнең рейсларны тоткарлавы белән бәйле хәлләр билгеләнә.

Минтранс пресс-релизында хәбәр ителгәнчә, пәнҗешәмбе көнне РФ Юстиция министрлыгы Минтрансның “Пассажирларны, багажны, йөкләрне һава ташуының гомуми кагыйдәләре һәм пассажирлар, йөк җибәрүчеләр һәм йөк алучыларга хезмәт күрсәтүгә гомуми таләпләр”не раслау турында боерыгын теркәде. Документ СССР һава линияләрендә ташу кагыйдәләрен (1985 ел) һәм халыкара ташулар кагыйдәләрен (1986 ел) бетерә.

1985 елгы кагыйдәләрдә әйтелгәнчә, “билетын күрсәтмәгән пассажирны ташырга рөхсәт ителми, югалтылган билетлар торгызылмый, дубликатлар бирелми һәм билет өчен түләнгән акча кире кайтарылмый”. Яңа кагыйдәләр бу гамәлиятне тулысынча үзгәртә - яңа документ нигезендә “билетны югалту яки аның дөрес тутырылмавы һава ташуы шартнамәсенең гамәлдә булуына да, дөреслегенә дә тәэсир итмиләр”. “Әгәр билет пассажир тарафыннан югалтылган яки дөрес тутырылмаган, яки зарарланган дип игълан ителсә, ташучы пассажирны һава ташуы шартнамәсен төзү фактын билгеләү өчен хәленнән килгән барлык чараларны кичектергесез күрергә тиеш”, - диелә министрлык белешмәсендә. Самолетка билет сатып алган һәм аны югалткан пассажир авиакомпания тарафыннан һава судносы бортына кертелергә тиеш.