Юстиция министры М.М.Корманов парламент тыңлауларында

Бүген Татарстан Республикасы юстиция министры М.М.Корманов парламент тыңлауларында катнашты. Алар Татарстан Республикасы Дәүләт Советында “2008 елга Татарстан Республикасы бюджеты турында” закон проекты буенча үтте.

Тыңлауларда шулай ук ТР Дәүләт Советы депутатлары, РФ ФҖның Федерация Советында Татарстан Республикасы әгъзалары, Татарстан Республикасы Хөкүмәте әгъзалары, ТР Президенты Аппараты хезмәткәрләре, суд хакимияте органнары, контроль органнары, профсоюз оешмалары җитәкчеләре, иҗтимагый оешмалар вәкилләре катнашты. Башта утырышта катнашучылар закон проектын карап тикшергәндә туган мәсьәләләр белән таныштылар. Закон проектын эшләүдәге кайбер җитешсезлекләр, аерым алганда, закон проектында хәзерге вакытта ТР Дәүләт Советы каравындагы закон проектларын гамәлгә ашыру өчен кирәкле чыгымнар, шулай ук коммуналь хезмәт күрсәтүләргә тарифлар арткан очракта барлык дәрәҗәдәге бюджетлардан өстәмә финанс чаралары каралмау һәм башка күрсәтмәләр санап кителде.

Быел республиканың төп социаль-икътисадый үсеш күрсәткечләре һәм 2008 елга макроикътисадый күрсәткечләр фаразлары турында ТР икътисад министры М.Р.Сафиуллин чыгыш ясады.

Икътисад министры депутатлар сорауларына, аерым алганда, республикада хезмәт өчен түләүнең минималь зурлыгын күтәрү мөмкинлегенә бюджеттагылар өчен түләүнең яңа тариф сеткасын кертүгә, республика халкының яхшы тормышын уртача Россия дәрәҗәсенә күтәрү вакытына, җан башына финанслау системасын кертүгә, коммерциячел булмаган оешмаларга мәгълүмати ярдәм күрсәтү өчен ресурс үзәге төзүгә һәм башкаларга кагылышлы сорауларга җавап бирде.

ТР финанс министры Р.Р.Гайзатуллин тыңлауларда катнашучыларга 2008 ел бюджеты проектының төп параметрлары турында доклад тәкъдим итте. Татарстан Республикасы Бюджет кодексы нигезендә быел гамәлдә булган керемнәрнең үз чыганакларын бюджетның һәр дәрәҗәдә законлы беркетүне сакларга тәкъдим ителә.

Моннан тыш, муниципаль берәмлекләрнең II-нче съезды тәкъдимнәре нигезендә салым салуның гадиләштерелгән системасы белән бәйле алына торган бердәм салымның 30 процентын муниципаль районнар бюджетларына бирү күздә тотыла. Шулай ук уен бизнесына салымның 50 процентын җирлекләр һәм шәһәр округлары бюджетларына бирү тәкъдим ителә. Бюджетара мөнәсәбәтләрдә әлеге салымның керүе исәпкә алынмаган, шуңа күрә ул Кама Аланы һәм Казан шәһәре бюджетларына стимуллаштыручы өстәмә керемнәр сыйфатында булачак.

Берүк вакытта 2008 елга республиканың салымнар һәм җыемнар турында законнарында 2007 ел ташламаларының гамәлдә булуын озайту тәкъдим ителә.

Шулай итеп, 2008 елда республиканың консолидацияләнгән бюджетына - 87,2 млрд. сум, республика бюджетына - 68,5 млрд.сум керем фаразлана.

Консолидацияләнгән бюджетның төп өлеше - 73,2 млрд.сум күләмендә салым керемнәре, 7,3 млрд.сум күләмендә - салым булмаган керемнәр, шул исәптән толрак фонды керемнәре - 4,2 млрд.сум һәм федераль бюджет керемнәре - 6,7 млрд.сум күләмендә.

Республиканың консолидацияләнгән бюджетының эре керем чыганагы булып җир салымы тора, ул тулысынча муниципаль берәмлекләр бюджетларына күчерелә. Гамәлдәге ставкалар һәм кадастр бәяләве шартларында җир салымының 2008 елга фаразланган суммасы 3,3 млрд.сум тәшкил итә.

Гомуми керемгә салымнар буенча керемнәр 3,5 млрд.сум фаразлана һәм законнар нигезендә бюджет дәрәҗәләре буенча күчерелергә тиеш.

Еллык инфляция уртача 7% дип фаразлана. Бюджетта бюджет оешмаларының коммуналь хезмәт күрсәтүләр өчен түләүләренең еллык үсешен уртача 15 процент билгеләргә тәкъдим ителә.

Бюджет учреждениеләре хезмәткәрләренә хезмәт хакын күтәрү 2008 елның 1 сентябреннән 7%, 2009 елның 1 августыннан - 7,2%, 2010 елның 1 гыйнварыннан 7,5% планлаштырыла.

Бюджетның чыгым өлешендә алдагы елгы бюджетларда каралмаган өстәмә чыгымнар таләп итүче шактый күп яңалыклар бар. Алар арасында – барлык дәрәҗәдәге бюджетларның дефицитсыз булуы. 2008 елга беренче тапкыр һәм киләсе ике елда республика бюджетының, муниципаль районнар һәм шәһәр округлары бюджетларының дефицитсыз булуы фаразлана.

ТР Юстиция министрлыгына республика бюджетыннан 161,5 млн.сум күләмендә акча чаралары бүлеп бирелү карала, шул исәптән, җәмәгать судьялары аппаратын тотуга 143 млн.сум, Законнар җыентыгын төзүгә 4,5млн.сум, Министрлык аппартын тотуга - 41,9млн.сум.