ТР Юстиция министрлыгында “Хокук һәм хәят” журналының редакция советы утырышы

Бүген “Хокук һәм хәят” иҗтимагый-хокукый һәм фәнни журналының редакция коллегиясе әгъзалары ТР Юстиция министрлыгында журналның редакция советының чираттагы утырышына җыелдылар. Очрашуның сәбәбе – журналның алтынчы саны макеты (эчтәлеге) турында фикер алышу иде.

Баш мөхәррир Х.А.Гайнуллин мәгълүматы буенча, журналның чираттагы саны макетына республика парламенты сессиясенең чираттагы утырышыннан репортаж; РФ Дәүләт Думасына сайлау алды кампаниясе турында ТР ҮСК рәисе урынбасары Ф.Вафин белән актуаль интервью; “Татарстан гражданнарына – һәркем алырлык һәм уңайлыклы торак” милли проектын тормышка ашыру турында материал; ТР Минюст коллегиясе утырышыннан репортаж һәм РФ Дәүләт Думасында үткән коррупциягә каршы көрәш турында “түгәрәк өстәл” материалы; дәүләт янгын күзәтчелеге мәсьәләләренә багышланган материал; ТР Прокуратурасында үткән Татарстанда Хәйрия елына багышланган “түгәрәк өстәл” материалы; “Хокук һәм хәят” журналының 95 еллыгы уңаеннан материаллар; Татарстан таможнясы, Федераль суд приставлары хезмәтенең ТР буенча идарәсе, Татарстан ҖБСы эшчәнлеге турында репортажлар һәм башка актуаль материаллар, рубрикалар һәм даими җыелмалар кергән.

Редсовет әгъзалары журналның эчтәлеген камилләштерү буенча кайбер тәкъдимнәр керттеләр, әмма гомумән алганда, чираттагы сан макетын хупладылар.

9 ай эчендә эш йомгаклары һәм якындагы перспективага бурычлар турында белешмә белән редакция коллегиясе утырышында редакция советы рәисе, ТР юстиция министры М.М.Корманов чыгыш ясады.

Гадәткә кергәнчә, редсовет әгъзалары һәм баш мөхәррир язылу кампаниясенә зур игътибар бирәләр. Моның белән бәйле редсовет әгъзалары язылуны активлаштыру буенча берничә уңышлы тәкъдим керттеләр.

Утырыш ахырында редакция коллегиясе составына яңа әгъзалар кабул иттеләр: ТР ГО һәм ГТХ министры Р.З.Хәбибуллинны һәм КФИ ректоры Ш.М.Вәлитовны.