ТР юстиция министры урынбасары А.А.Ощепков муниципаль районнарның һәм шәһәр округларының башкарма комитетлары җитәкчеләре белән “түгәрәк өстәл” утырышында

Кичә Түбән Кама муниципаль районында Татарстан Республикасы муниципаль районнарның һәм шәһәр округларының башкарма комитетлары җитәкчеләре катнашында “түгәрәк өстәл” утырышы булды, анда Татарстан Республикасы юстиция министры урынбасары А.А.Ощепков Татарстан Республикасы Юстиция министрлыгының Җирле үзидарә органнары белән багланышлар департаменты эше турында доклад белән чыгыш ясады.

Утырышта катнашучылар республика предприятиеләрендә һәм бюджет оешмаларында хезмәт хакы дәрәҗәсен күтәрү һәм куллану бюджетының минималь бәя зурлыгы дәрәҗәсеннән түбәнрәк хезмәт хакы алучы эшчеләрнең өлешен киметү буенча ТР министрлыклары, муниципаль районнары һәм шәһәр округлары эше турында мәсьәлә турында фикер алыштылар.

Республика ЭЭМ башлыгы Ә.Ә.Сәфәров хокук бозуларны профилактикалау һәм 2007-2010 елларда Татарстан Республикасында хокук бозуларны профилактикалау буенча комплекслы программасын гамәлгә ашыру турында сөйләделәр.

Көн тәртибе нигезендә ТР финанс министры урынбасары Л.Б.Макарова һәм РФ ФСХнең ТР буенча идарәсе урынбасары Л.А.Якунин җирле бюджетларның керемнәрен арттыру чаралары турында сөйләде.

РФ Дәүләт Думасы депутатларына сайлаулар оештырганда һәм үткәргәндә дәүләт һәм муниципаль органнарның бурычлары, шулай ук сайлау кампаниясен хокукый тәэмин итү мәсьәләсен ТР Үзәк сайлау комиссиясе рәисе А.А.Фомин һәм ТР Президенты Аппараты җитәкчесе урынбасары Б.Х.Зиннуров аңлатып сөйләде.

Утырышны Татарстан Республикасы Премьер-министрының беренче урынбасары Р.Ф.Моратов алып барды.

Көн тәртибенә чыгарылган мәсьәләләр турында фикер алышуда ТР Икътисад министрының беренче урынбасары – ТР МК каршындагы ИСТҮ директоры А.Н.Кудрявцева, ТР мәгариф һәм фән министрының беренче урынбасары Д.М.Мостафин, ТР хезмәт, эш белән тәэмин итү һәм социаль яклау министры урынбасары К.А.Таҗетдинова, Татарстан Республикасы Чистай, Кукмара, Бөгелмә, Чирмешән, Актаныш муниципаль районнары һәм “Чаллы шәһәре” муниципаль берәмлеге җитәкчеләре катнашты.