ТР Муниципаль берәмлекләр советы утырышында

Татарстан Республикасы Министрлар Кабинетында Татарстан Республикасы Муниципаль берәмлекләр советы Президиумы утырышы булды, аның эшендә Татарстан Республикасы юстиция министры урынбасары – ТР Юстиция министрлыгының Җирле үзидарә органнары белән багланышлар департаменты җитәкчесе А.А.Ощепков катнашты.

Утырышта хакимиятнең җирле органнары һәм салым органнары арасындагы багланышлар мәсьәләләре буенча Муниципаль берәмлекләр советы съезды карарларын үтәү мәсьәләсе карап тикшерелде. Аерым басым П ТР Муниципаль берәмлекләр советының съездында әйтелгән тәкъдимнәрне һәм күрсәтмәләрне гамәлгә ашыру буенча ТР башкарма хакимияте органнары һәм җирле үзидарә органнарының уртак чаралары планы проектына ясалды.

Шунда ук “2008-2012 елларга Татарстан Республикасы территориясендә автомобиль юллары челтәрен үстерү һәм 2017 елга кадәр үстерү перспективалары” дигән яңа программа проекты бәян ителде. Яңа киң күләмле программаны төзү идеясе – ТР Президенты М.Ш.Шәймиевнеке.

Программаның концепциясен ТР транспорт һәм юл хуҗалыгы министры И.И.Фәсхетдинов тәкъдим итте, ул аның төп максатларын билгеләде: пассажирлар йөртүгә һәм йөк ташуга сарыф ителә торган уртача вакытны киметү.

Утырыш барышында “Торак-коммуналь хуҗалыгын үзгәртеп коруга булышлык итү фонды турында” Федераль Законны гамәлгә ашыру һәм 2008 елда Татарстан Республикасында торак-коммуналь хезмәт күрсәтүләргә тарифлар һәм башка мәсьәләләр карап тикшерелде.