Юстиция министрының беренче урынбасары С.Н.Столяров парламент тыңлауларында катнашты

2007 елның 25 октябрендә Мәскәүдә “Россия Федерациясендә дәүләт төбәк сәясәтенең һәм аны хокукый җайга салуның торышы турында” парламент тыңлаулары үтте, анда Татарстан Республикасы Премьер-министры кушуы буенча Татарстан Республикасы юстиция министрының беренче урынбасары С.Н.Столяров катнашты. Парламент тыңлауларын Федерация Советының Россия Федерациясе субъектлары дәүләт хакимиятенең закон чыгаручы (вәкиллекле) органнары белән багланышлар советы белән бергә Федерация Советы оештырды һәм тыңлаулар Федерация Советының Федерация һәм төбәкләр сәясәте комитеты рәисе Р.З.Алтынбаев рәислегендә үттеләр.

Парламент тыңлауларында Федерация Советы рәисе С.М.Миронов, Россия Федерациясенең төбәкләрне үстерү министры Д.Н.Козак, Федерация Советы комитетлары җитәкчеләре һәм әгъзалары, Россия Федерациясенең кайбер субъектлары хакимиятенең закон чыгару (вәкиллекле) органнары җитәкчеләре, федераль дәүләт органнары вәкилләре чыгыш ясадылар.

Фикер алышулар нәтиҗәләре буенча “Россия Федерациясендә дәүләт төбәк сәясәтенең һәм аны хокукый җайга салуның торышы турында” парламент тыңлаулары тәкъдимнәре кабул ителде, алар түбәндәгеләрне күздә тота:

“Россия Федерациясендә дәүләт төбәк сәясәте турында” федераль закон проектын эшләү зарурлыгы, ул федераль һәм төбәк дәрәҗәсендәге дәүләт хакимияте органнары багланышларының заманча, илнең социаль-икътисадый үсеше таләпләренә җавап бирә торган системасын булдыру өчен төбәк сәясәтенең төп принципларын, максатларын, өстенлекләрен һәм гамәлгә ашыру механизмнарын урнаштырырга тиеш;

“Россия Федерациясе субъектлары дәүләт хакимиятенең закон чыгару (вәкиллекле) һәм башкарма органнарын оештыруның гомуми принциплары турында” Федераль законга үзгәрешләр әзерләү буенча тәкъдимнәр кертү;

Россия Федерациясе Хөкүмәтенә түбәндәгеләр буенча тәкъдимнәр әзерләү: Федерация субъектлары белән уртак алып бару өлкәсендә алар әзерли торган федераль законнар һәм Хөкүмәт карарлары проектларын Федерация субъектлары белән алдан килештерү буенча; Россия Федерациясе субъектларының булган потенциалын һәм мөмкинлекләрен исәпкә алып, аларның кайберләре территорияләрендә төбәкара инвестиция проектларын эшләү һәм гамәлгә ашыру буенча; бирелгән вәкаләтләрне гамәлгә ашыру мәсьәләләре буенча федераль һәм төбәк хакимияте органнары багланышлары регламентларын эшләү буенча; федераль бюджетта аерым чыгымнар итеп дәүләт төбәкләр сәясәтенә чаралар бүлеп бирү мөмкинлеген карап тикшерү буенча, аңарга бюджетара мөнәсәбәтләргә чыгымнарны, вәкаләтләрне уртак финанслауны, төбәкләрне үстерүнең озак вакытлы максатчан программаларын, инвестиция поектларын, Россия Федерациясе субъектларына бүтән финанс ярдәмен дә кертеп; федераль башкарма хакимият органнарына үзләренең стратегик һәм перспектив үсеш планнарын Россия Федерациясе субъектлары үсеше планнары белән бәйләп карарга тәкъдимнәр.

Алга таба Татарстан Республикасы Юстиция министрлыгы Россия Федерациясе төбәкләр сәясәтен хокукый җайга салу өлкәсендә федераль дәүләт хакимияте органнарына Татарстан Республикасы һәм, гомумән алганда, Россия Федерациясе субъектлары мәнфәгатьләрен истә тоткан тәкъдимнәр әзерләүдә катнашуын дәвам итәчәк.