ТР Юстиция министрлыгының коррупциягә каршы сәясәте стратегиясен гамәлгә ашыру мәсьәләләре буенча эшче төркем утырышы

2007 елның 29 октябре, дүшәмбе
Бүген ТР Юстиция министрлыгында ТР Юстиция министрлыгының коррупциягә каршы сәясәте стратегиясен гамәлгә ашыру мәсьәләләре буенча даими эшче төркем утырышы булды.
Көн тәртибенә эшче төркем составына үзгәрешләр кертү белән бәйле мәсьәләләр, шулай ук ТР Юстиция министрлыгының коррупциягә каршы сәясәте стратегиясен гамәлгә ашыру чаралары программасына җәмәгать судьялары белән оештыру-методика эше бүлеге эшчәнлегенә кагылышлы үзгәрешләр кертү белән бәйле мәсьәләләр кертелгән иде.
Программа чараларын тормышка ашырып, эшче төркем әгъзалары ТР Юстиция министрлыгы белгечләренә коррупциягә каршы законнар буенча тест үткәрү турында үз фикерләрен, үз тәкъдимнәрен белдерделәр.
Утырыш барышында ТР Юстиция министрлыгының коррупциягә каршы сәясәте стратегиясен гамәлгә ашыру мәсьәләсе буенча даими эшче төркемнең регламенты һәм квалификация имтиханнары билетларындагы сораулар расланды, аларда төп игътибар шулай ук коррупциягә каршы сәясәт буенча норматив хокукый базаны белүгә бирелә.
Рәислек итүче билгеләп үткәнчә, ТР башкарма хакимият органнарының норматив хокукый актларына һәм аларның проектларына, муниципаль хокукый актларга һәм аларның проектларына коррупциягә каршы экспертиза үткәрү өчен җаваплы затларны билгеләү зарур.
Эшче төркем утырышында ТР Юстиция министрлыгының коррупциягә каршы сәясәте стратегиясен гамәлгә ашыру кысаларында Министрлык алдында торган чараларны хәл итүнең нәтиҗәле юллары билгеләнде.
Көн тәртибе турында фикер алышуда Министрлыкның эшләр идарәчесе С.А.Брусов, министр ярдәмчесе М.Х.Хәсәнов, Министрлыкның закон проектлары белән эшләү бүлеге җитәкчесе Ә.Р.Кәримова, ТР норматив хокукый актларының бердәм банкы бүлеге җитәкчесе Э.М.Аверьянова, ТР Юстиция министрлыгының кадрлар һәм дәүләт хезмәте бүлегенең әйдәүче белгече А.Г.Габдрахманова катнаштылар.
Утырышны ТР юстиция министрының беренче урынбасары, даими эшче төркем рәисе С.Н.Столяров алып барды.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International