Кредит оешмалары “Россия Федерациясе гражданнарының паспортларының дөреслеген тикшерү сервисы”ннан файдаланалар

Татарстан Республикасы Юстиция министрлыгы сайтында инде хәбәр ителгәнчә, 2007 елның сентябреннән Россия паспортларының дөреслеген Россия Федераль миграция хезмәте (ФМХ) сайтында махсус мәгълүматлар базасы аша тикшерергә була.
Исегезгә төшерәбез, ФМХ “Россия Федерациясе гражданнарының паспортларының дөреслеген тикшерү сервисы” системасы мөрәҗәгатьләрен автомат рәвештә кабул итү хезмәтен эшкә җикте. Әлеге система ярдәмендә һәрбер теләүче – физик яки юридик зат – граждан паспортын өч позиция: “дөрес”, “дөрес түгел” һәм “белешмәләр юк” буенча тикшерә ала.
Яңа сервис мәнфәгатьле структураларга теге яки бу юридик, финанс, нотариаль операция яки алыш-биреш эше башкарылачак теләсә нинди паспортны тикшерергә ярдәм итү өчен билгеләнгән. 2007 елның августында Финанс мониторингы буенча федераль хезмәт (Росфинмониторинг) һәм ФМХ хезмәттәшлек турында килешүгә кул куйдылар, аның нигезендә Россия ФМХ Росфинмониторингка адрес-белешмә мәгълүматлар, бирелгән чит ил паспортлары турында белешмәләр, югалган, дөрес булмаган паспортлар турында, вафат кешеләр паспортлары турында һәм югалган паспорт бланклары турында белешмәләр бирә.
2007 елның 29 сентябрендә РФ Үзәк банкында клиентларына идентификация үткәргәндә кредит оешмалары Россия Федераль миграция хезмәте рәсми сайтындагы “Россия Федерациясе гражданнарының паспортларының дөреслеген тикшерү сервисы”ннан файдалана алалар дип хәбәр ителгән хат имзаланды, сервиста мәнфәгатьле затларга дөрес булмаган РФ гражданнары паспортлары турында белешмәләр бирелә.