ТР юстиция министры урынбасары А.А.Ощепков семинар-киңәшмәләр үткәрү өчен муниципаль районнарга чыкты

“Татарстан Республикасы башкарма хакимият органнары һәм җирле үзидарә органнары багланышлары регламентларын раслау турында” Татарстан Республикасы Президенты Указы нигезләмәләрен гамәлгә ашырып, 2007 елның 24 октябрендә Татарстан Республикасы Премьер-министры карарга кул куйды, аның бер пункты булып ТР министрлыклары һәм ведомстволары җитәкчеләренең республика муниципаль районнарында һәм шәһәр округларында күчмә семинар-киңәшмәләр үткәрүләре тора.

Югарыда әйтелгән карар нигезендә бүген җирле үзидарә органнары белән багланышлар буенча эшне оештыручы ТР юстиция министры урынбасары А.А.Ощепков җирле үзидарә органнарының вазыйфаи затлары һәм муниципаль берәмлекләрнең район советлары һәм башкарма комитетлары юристлары белән семинар-киңәшмәләр үткәрү өчен Татарстан Республикасының Тәтеш һәм Кама Тамагы муниципаль районнарына чыкты.

ТР Юстиция министрлыгы җитәкчелеге үзләренең муниципаль районнарга һәм шәһәр округларына эш сәфәрләре вакытында ҖҮИ органнары белән мондый очрашуларны инде үткәрде. Бүгенге көндә ТР Юстиция министрлыгының Хокукый мәсьәләләр буенча ҖҮИ органнары белән багланышлар департаментында ҖҮИ органнарының вазыйфаи затлары белән семинар-киңәшмәләр үткәрү графигы расланган.

Алда торган сайлауларга кадәр хокукый ярдәм күрсәтү максатларыннан Кама Тамагы муниципаль районы башкарма комитеты аппараты җитәкчесе соравы буенча министр урынбасары А.А.Ощепков әлеге районның участок сайлау комиссияләре рәисләре белән очрашачак. ТР юстиция министры М.М.Корманов кушуы буенча ул мактаулы миссия башкарачак: ТР Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаментының Кама Тамагы муниципаль районы буенча ҖҮИ органнары эшчәнлегенә хокукый ярдәм күрсәтү бүлегенең әйдәүче белгеч-эксперты Р.Ф.Вафинга районда эшне яхшы оештырганы һәм 50 яше тулу уңаеннан Татарстан Республикасы Юстиция министрлыгының Мактау грамотасы тапшырачак.