ТР җәмәгать судьялары аппараты хезмәткәре белән семинар-киңәшмә

Татарстан Республикасы җәмәгать судьялары аппараты эшчәнлегенә нәтиҗәләрне ТР җәмәгать судьялары аппараты хезмәткәре һәм администраторлары бүген семинар-киңәшмәдә чыгардылар, аны ТР Юстиция министрлыгы оештырды һәм ул “Казан” ММҮдә үтте. Анда республиканың барлык районнарыннан 150 дән артык кеше катнашты.

Киңәшмәнең көн тәртибендәге төп пункт итеп ТР юстиция министры урынбасарының доклады куелган иде, анда Татарстан Республикасы җәмәгать судьялары аппаратының 2004 елның июленнән башлап хәзергәчә эшенә комплекслы анализ ясалды, ул вакытта җәмәгать судьялары аппараты эшчәнлеген оештыру, матди-техник һәм финанс ягыннан тәэмин итү вазыйфасы ТР Юстиция министрлыгына тапшырылган иде.

Доклад ясаучының аерым игътибары үзләренең бозылган хокукларын яклауны сорап җәмәгать судьясына мөрәҗәгать иткән гражданнарга хезмәт күрсәтү культурасына юнәлтте, чөнки җәмәгать юстициясе эшчәнлегендә сәясилек тә бар бит, ягъни җәмәгать судьяларының – гади халык өчен дәүләт вәкилләренең иң якын торучыларның эшчәнлеге буенча кеше еш кына гомумән хакимият турында нәтиҗә ясый.

Якын арада ТР Юстиция министрлыгына “Россия Федерациясе субъектлары алдында җәмәгать судьяларының һәм суд участокларының гомуми саны турында” Федераль законга үзгәрешләр кертү белән бәйле яңа җәмәгать судьялары участокларын төзү буенча җитди эш тора.

Семинар-киңәшмәдә катнашучылар алдында ТР судьяларының квалификация коллегиясе урынбасары, ТР Югары Суды судьясы М.М.Хәйруллин чыгыш ясады.

Ул суд утырышында катнашучыларга эшне тыңлау турында хәбәр итү өлешендә процессуаль законнар нигезләмәләре таләпләрен аңлатты, чөнки бу нечкәлек еш кына судьяның куйган карарын кире кагу предметы булып тора. М.М.Хәйруллин сүзләренә караганда, суд хакимияте абруена теләсә нинди ваклык та тәэсир итә, ә суд системасында ваклыклар юк. ТР судьяларының квалификация коллегиясе әгъзасы буларак ул җәмәгать судьялары аппаратында да, федераль судларда да җибәрелә торган типик техник хаталарны күрсәтте.

Семинарда Федераль суд приставлары хезмәтенең ТР буенча идарәсе, РФ ЮМның Баш идарәсенең РФ субъектлары законнары һәм ТРда Федераль регистр алып бару бүлеге, ТР Милли архивы вәкилләре, ТР Юстиция министрлыгының структур бүлекчәләре җитәкчеләре катнашу, җәмәгать судьялары аппаратының суд эшчәнлеген башкару өчен шартлар тудыру өлкәсендә төрле оешмалар, ведомстволар һәм хезмәтләр белән багланышларының күп кенә сорауларын фикер алышуга чыгарырга мөмкинлек бирде.

Чара йомгакларын ясаганда, киңәшмәдә катнашучылар билгеләп үткәнчә, алга таба эшне нәтиҗәле оештыру өчен күп файдалы мәгълүмат алынды һәм килеп туган мәсьәләләрне бергәләп хәл итү өчен республика семинар-киңәшмәләрендә даими очрашырга теләк белдерделәр.

Семинар-киңәшмә ТР Юстиция министрлыгының Мактау грамоталарын тапшыру һәм 2007 елдагы эш йомгаклары буенча суд эшчәнлеген гамәлгә ашыруны тәэмин итүгә һәм гражданнар мәнфәгатьләрен яклауга керткән зур өлеше өчен җәмәгать судьялары аппаратларының администраторларын, консультантларын һәм канцелярия мөдирләрен акчалата бүләкләү белән тәмамланды.