Җиргә милекчелек хокукын дача кишәрлегенең чикләрен тәгаенләмичә генә дә алып булачак

Алты дача сотые хуҗаларын җирне хосусыйлаштырганда межалау үткәрү зарурлыгыннан коткарырга мөмкиннәр. Шул чакта имана җирләрен милек итеп рәсмиләштерү күпкә тизрәк булачак һәм күпкә арзангарак төшәчәк.

Мондый кагыйдәләрне “Күчемсез милеккә хоккуларны һәм алар белән килешүләрне дәүләт теркәвенә алу турында” һәм “РФ Җир кодексын гамәлгә кертү турында” законнарына төзәтмәләр кертү хакында закон проектында беркетергә тәкъдим ителә, - дип сөйләде Дәүләт Думасының Милекчелек комитеты рәисе урынбасары Евгений Богомольный “РГ” хәбәрчесенә. Бу чакта кишәрлек чикләренең ничек урнашуы турында документның булмавы килешүләр төзү өчен киртә булмаячак – имана җирләрен мирас итеп калдырырга, сатарга, бүләк итәргә һәм залог итеп куярга мөмкин булачак.

Хәзер “дача амнистиясе” турында закон буенча җиргә милекчелек хокукын теркәүгә алу өчен кулда ике төп документ булырга тиеш: кишәрлекне бирү акты, таныклык яки сезнең аңа хокукыгызны таныклый торган бүтән документ һәм имана җиренең кадастр планы. Әмма межалаусыз кадастр планын төзү мөмкин түгел. Шул ук вакытта нәкъ менә әлеге процедурага тотылган чыгымнар дача хуҗаларының үз кишәрлекләрен хосусыйлаштыру теләген юкка чыгара. Баштарак межалау өчен чик түләүләр төбәк законнары белән урныштырыла дип уйланса да, алар бөтен җирдә дә барлыкка килмәделәр. Хәтта бәяләрнең югары чиге күрсәтелгән төбәкләрдә дә чынлыкта исә хезмәт күрсәтүләр бәясе күпкә югарырак.

 

Российская Газета