Спас муниципаль районында хокукый ярдәм күрсәтү

Җирле үзидарә органнары белән багланышлар булдыруда ТР Юстиция министрлыгы, муниципаль районнарның һәм алар составына керүче җирлекләрнең статусларын һәм чикләрен билгеләү турында гамәлдәге Татарстан Республикасы законнарына үзгәрешләр кертү хакында тиешле Татарстан Республикасы законнары проектларын әзерләүне дә кертеп, муниципаль берәмлекләрнең чикләренә тасвирлама буенча кирәкле документларны әзерләүдә хокукый ярдәм күрсәтү буенча эш алып бара.

Узган атнада юстиция министры урынбасары А.А.Ощепков һәм юстиция министры киңәшчесе Ә.Г.Исхаков “Спас муниципаль районы” муниципаль берәмлеге составына керүче һәр җирлекнең чикләрен шәһәр төзелеше һәм җир законнары таләпләренә туры китереп тасвирлауны күз алдында тоткан тиешле Татарстан Республикасы законы проектын әзерләү һәм килештерү максатыннан Спас муниципаль районына чыктылар.

Мәсьәлә турында фикер алышуда Спас муниципаль районы башлыгы К.А.Ногаев, башлык урынбасары Е.С.Галиуллина, Спас муниципаль районы Советы аппараты җитәкчесе М.С.Гыйматдинов, Роснедвижимостьның райондагы территориаль органы җитәкчесе М.А.Нагаев, районның шәһәр һәм авыл җирлекләре башлыклары, җирле үзидарә органнарының бүтән белгечләре катнашты.

Моннан тыш, ҖҮИ органнарының вазыйфаи затлары һәм район юристлары өчен җирле үзидарә турында федераль законнардагы үзгәрешләр һәм аларны гамәлдә куллану мәсьәләләре турында мәгълүмат китерелгән семинар-киңәшмә үткәрелде.

Семинарда ҖҮИ органнары белән багланышлар мәсьәләләренә юнәлеш бирүче юстиция министры урынбасары А.А.Ощепковның катнашуы гамәли эштә җыелып килгән күп кенә проблемаларны, аерым алганда, дача “амнистиясе” турында, түләүле хезмәт күрсәтүләр турында”, муниципаль хезмәткәрләрнең квалификация разрядлары турында һәм башка проблемаларны фикер алышу өчен уртага куярга мөмкинлек бирде.