Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

Татарстан Республикасы Юстиция министрлыгында ведомствоның кадрлар резервына керү өчен ачык конкурс узды. Конкурс комиссиясе утырышы йомгаклары буенча Татарстан Республикасының кадрлар резервына төп вазифалар төркеменә кертелгән җиңүчеләр билгеләнде: Галиева Лениза Нурмөхәммәт кызы, Нигъмәтҗанов Рөстәм Ринат улы, Никитина Екатерина Анатольевна, Хәсәнова Адилә Әхәт кызы, Швец Ярослав Геннадиевич.

Татарстан Республикасы Юстиция министрлыгында муниципаль хокукый актларны рәсми рәвештә бастырып чыгару тәртибенә багышланган киңәшмә узды. Җирле үзидарә һәм муниципаль регистрны алып бару өлкәсендә норматив хокукый эш бүлеге башлыгы Ралия Гарифуллина документларны электрон бастырып чыгару системасының ничек эшләвен һәм бу процессны тизләтергә нинди инструментлар мөмкинлек бирүен аңлатты.