РФ Дәүләт Думасына булачак сайлауларда тавыш бирү бюллетене нинди булачак?

РФ Дәүләт Думасы депутатлар сайлау вакыты якынлашу белән бәйле РФ Федераль Җыенының бишенче чакырылыш Дәүләт Думасы депутатларына сайлауларда тавыш бирү бюллетене тексты расланды.

Сайлау бюллетенендә шобага белән билгеләнгән тәртиптә кандидатларның федераль исемлеген теркәгән 11 сәяси партия исеме, шулай ук әлеге сәяси партияләрнең бер төстә эшләнгән эмблемалары урын алган. Сәяси партия исеме астында әлеге сәяси партия чыгарган кандидатларның федераль исемлегенең гомумфедераль өлешенә кертелгән кандидатларның фамилияләре, исемнәре һәм атасы исемнәре урнаштырылган, шулай ук РФның төгәл субъектына (РФ субъекты территориясе өлешенә) туры килүче кандидатларның төбәк төркеменә кертелгән беренче өч кандидатның фамилиясе, исеме, атасы исеме бирелгән.

Һәр сәяси партия исеменең уң ягында буш шакмак бар. Сайлау бюллетенендә шулай ук аны тутыру тәртибе турында аңлатма китерелгән.