Тапшырылган дәүләт вәкаләтләрен үтәү буенча киңәшмә

2017 елның 27 апрелендә Татарстан Республикасы Юстиция министры урынбасары М.М.Ибәтов рәислегендә административ комиссияләр һәм вәкаләтле вазыйфаи затларның административ хокук бозулар турында беркетмәләр төзү буенча үзләренә тапшырылган Татарстан Республикасы вәкаләтләрен үтәүләрен оештыру буенча видеоконференцэлемтә режимындагы чираттагы киңәшмә узды. Комиссияләр һәм вәкаләтле вазыйфаи затларның 2017 елның I кварталындагы эшчәнлекләре нәтиҗәләре турындагы доклад белән Татарстан Республикасы Юстиция министрлыгының җирле үзидарә өлкәсендә территориаль оештырылыш һәм күзәтчелекне гамәлгә ашыру мәсьәләләре буенча бүлек башлыгы Г.И.Касыймова чыгыш ясады. Суд приставларының административ комиссияләр белән хезмәттәшлеге һәм штрафларны мәҗбүри рәвештә түләттерү турындагы мәгълүмат белән Суд приставлары федераль хезмәтенең Татарстан Республикасы буенча идарәсенең башкарма производствосын оештыру бүлеге башлыгы А.В.Зиннәтова чыгыш ясады. Шулай ук Әгерҗе, Арча, Зәй районнарының административ комиссияләре вәкилләренең комиссия карарларын суд тәртибендә кире алу һәм түләттерелмәгән штрафлар калдыкларының үсә баруы сәбәпләре аңлатылган докладлары тыңланды. Видеоконференцэлемтә тәмамлангач Казан шәһәре административ комиссиясенең суд приставлары хезмәтенең районнар бүлекләре белән хезмәттәшлеге турында фикер алышынды һәм ведомствоара документлар әйләнешенең гамәлгә ашырылу барышы тест режимында каралды.