Түләүсез юридик ярдәм күрсәтүне оештыру һәм планлаштыру бүлеге

гражданнарга министрлык компетенциясенә караган мәсьәләләр буенча телдән һәм язма формаларда хокукый консультация бирү рәвешендә түләүсез юридик ярдәм күрсәтү;

экстрен очракларда авыр тормыш хәлләренә тарыган гражданнарга түләүсез юридик ярдәм күрсәтү эшендә катнашу;

гражданнарның түләүсез юридик ярдәмне татар телендә алуга булган хокукларын гамәлгә ашыру өчен шартлар тудыру;

түләүсез юридик ярдәм күрсәтү буенча бәйрәм көннәренә һәм истәлекле даталарга багышланган чараларны һәм халыкны хокукый мәгълүматлаштыру һәм хокукый агартуга юнәлдерелгән чараларны оештыру;

түләүсез юридик ярдәм күрсәтүнең дәүләтнеке булган һәм дәүләтнеке булмаган системаларында катнашучыларга, шулай ук түләүсез юридик ярдәм күрсәтү мәсьәләләре буенча җирле үзидарә органнарына методик һәм консультация бирү ярдәмнәрен күрсәтү;

коррупциягә каршы республика программасы үтәлешен, шулай ук дәүләт хакимияте башкарма органнарының һәм Татарстан Республикасы муниципаль берәмлекләренең «Интернет» челтәрендәге рәсми сайтларында коррупциягә каршы тору мәсьәләләре буенча бүлекләрен урнаштыру һәм аларны тутыруның бердәм таләпләре үтәлешенә күзәтчелек итү;