ТР Юстиция министрлыгының Коррупциягә каршы сәясәте стратегиясен гамәлгә ашыру мәсьәләләре буенча эшче төркем утырышы

Кичә Татарстан Республикасы Юстиция министрлыгында ТР Юстиция министрлыгының Коррупциягә каршы сәясәте стратегиясен гамәлгә ашыру мәсьәләләре буенча даими эшче төркем утырышы булды, анда коррупциягә каршы сәясәт стратегиясен гамәлгә ашыру буенча төгәл гамәлләр башкару буенча Министрлык эшенә йомгак ясалды.

Билгеле булганча, 2005 елда ТР юстиция министры боерыгы белән Татарстан Республикасының Коррупциягә каршы сәясәте стратегиясен гамәлгә ашыру буенча Татарстан Республикасы Юстиция министрлыгы программасы расланган, ә аны тормышка ашыру өчен шундый ук исемле даими эшче төркем төзелгән иде.

Эшче төркем әгъзалары арасында Юстиция министрлыгы аппаратында һәм дәүләт нотариаль контораларында, җәмәгать судьялары аппаратында, Хокукый мәсьәләләр буенча җирле үзидарә органнары белән багланышлар оештыру департаментында коррупциячел хокук бозуларны кисәтү вазыйфалары бирелгән җаваплы затлар билгеләнгән иде.

Гамәлдәге законнар таләпләре нигезендә аларның вазыйфаи регламентларына тиешле үзгәрешләр кертелде.

Кичәге утырышта Коррупциягә каршы сәясәт стратегиясен гамәлгә ашыру мәсьәләләре буенча эшче төркем әгъзалары узган елда югарыда күрсәтелгән Программага кертелгән гамәлләрне башкару буенча Министрлык эше йомгаклары турында сөйләштеләр, Министрлык структур бүлекчәләре тарафыннан бу юнәлештә эшләре турында хисаплар тапшыру вакытын, шулай ук бирелә торган мәгълүматка карата таләпләр билгеләнде.

Көн тәртибендәге икенче мәсьәлә даими эшче төркемнең регламентын эшләп бетерү һәм аның турында фикер алышу, шулай ук аның составына үзгәрешләр кертү иде. Министрлыкның финанс бүлеге җитәкчесе Г.Х.Дәүлиев кандидатурасы эшче төркем әгъзасы буларак расланды.

Утырышны юстиция министрының беренче урынбасары, эшче төркем рәисе С.Н.Столяров алып барды.