ТР дәүләт хакимияте башкарма органнарының норма төзү эшчәнлеге мәсьәләсе буенча Хөкүмәт утырышы

Кичә ТР Министрлар Кабинеты утырышында “Татарстан Республикасы дәүләт хакимияте башкарма органнарының норма төзү эшчәнлеген камилләштерү буенча гамәлләр турында” ТР Хөкүмәте карарын тормышка ашыру һәм 2007 елда Татарстан Республикасы министрлыкларында үтәү дисциплинасының торышы хакында фикер алыштылар. 

Көн тәртибен тикшерүдә ТР Премьер-министры Р.Н.Миңнеханов, ТР беренче вице-премьеры Р.Ф.Моратов, ТР Дәүләт Советы рәисе урынбасары А.П.Гусев, ТР прокуроры К.Ф.Әмиров катнаштылар.

Сүз Татарстан Республикасы Дәүләт Советында закон проектлары белән эшләүнең еллык планын үтәү турында барды, аларга мөнәсәбәттә закон чыгару инициативасы субъекты булып Татарстан Республикасы Министрлар Кабинеты тора.

2007 елда Татарстан Республикасы Министрлар Кабинеты закон чыгару инициативасы хокукын гамәлгә ашырып, Татарстан Республикасы Дәүләт Советына барлыгы 65 Татарстан Республикасы законы проектын керткән, бу безнең закон чыгару органы карап тикшергән закон поектлары санының 70% тәшкил итә.

Көн тәртибенең төп доклады белән ТР Министрлар Кабинеты Аппараты җитәкчесе Ш.Х.Гафаров чыгыш ясады. Ул министрлыкларның үтәү дисциплинасы, аерым алганда, ТР Министрлар Кабинеты Регламенты таләпләрен үтәү мәсьәләләренә тукталды һәм 2008 елга закон төзү эшчәнлеге бурычларын билгеләде. 

ТР Дәүләт Советында закон проектлары белән эшләүнең Якынча планын үтәү буенча ТР Юстиция министрлыгы эше турында, шул исәптән Хокукый мәсьәләләр буенча ведомствоара координацияләү комитеты эше һәм норма төзү эшчәнлеге буенча ТР Юстиция министрлыгы бурычлары турында ТР юстиция министры М.М.Корманов мәгълүмат бирде.

ТР Хөкүмәте утырышында министрлыкларда һәм ведомстволарда документлар белән эшләү турында ТР Президенты Аппараты идарәсе җитәкчесе А.И.Волков сөйләде.

Министрлар Кабинеты утырышы барышында 2008 елга закон төзү эшчәнлеге өлкәсендә бурычлар күпчелектә ТР Министрлар Кабинетының фикер алышына торган “Татарстан Республикасы дәүләт хакимияте башкарма органнарының норма төзү эшчәнлеген камилләштерү буенча гамәлләр турында” карарын киләчәктә гамәлгә ашыру белән бәйле булачаклыгы һәм министрлыкларның һәм ведомстволарның норма төзү эшчәнлеген планлаштыруның сыйфатын күтәрү, эшләнә торган норматив хокукый актлар проектларының югары сыйфатлы булуын тәэмин итү, Татарстан Республикасы дәүләт хакимияте башкарма органнарының закон проектлары белән эшләвен координацияләүне камилләштерү, тиешле үтәү дисциплинасын тәэмин итү һәм Татарстан Республикасы башкарма хакимят органнары тарафыннан ТР Министрлар Кабинеты Регламенты таләпләрен үтәү кебек төп максатларга ирешүне тәэмин итүгә юнәлдереләчәге билгеләп үтелде.