ТР норматив хокукый актларының бердәм банкы бүлегеннән яңалыклар

2008 елның 14 гыйнварыннан алып 31 гыйнварына кадәр Татарстан Республикасы норматив хокукый актларының бердәм банкы бүлегенә муниципаль районнардан һәм шәһәр округларыннан 297 муниципаль акт керде. Бердәм банкны булдыру эшенә Әгерҗе, Аксубай, Алексеевск, Әлки, Әлмәт, Арча, Бөгелмә, Буа, Биектау, Мамадыш, Яңа Чишмә, Теләче, Кукмара, Лаеш, Лениногорск, Балык Бистәсе, Тәтеш, Зеленодольск, Түбән Кама муниципаль районнары, Казан шәһәр округы актив катнашты.

Күрсәтелгән чорда дәүләт теркәвенә алу мәсьәләсен хәл итүне сорап, Татарстан Республикасы Юстиция министрлыгына Татарстан Республикасы министрлыклары һәм ведомстволарының 7 акты керде. Аларның икесеТР Экология һәм табигать ресурслары министрлыгыннан иде, берсе техник-юридик яктан эшләп бетерү өчен кире кайтарылды, 2 боерык ТР Финанс министрлыгыннан иде, берсе шулай ук тиешенчә рәсмиләштерелү өчен кире кайтарылды. Мәнфәгатьле ведомстволар белән килештерелү өчен - ТР Транспорт һәм юл хуҗалыгы министрлыгы боерыгы, техник-юридик яктан эшләп бетерелү өчен – ТР Дәүләт торак инспекциясе боерыгы кире җибәрелде.

“Татарстан Республикасы дәүләт хакимиятенең башкарма органнары структурасы турында” 28.04.2005 елдагы УП-147 номерлы Татарстан Республикасы Президенты Указында норматив ТР Юстиция министрлыгында хокукый актлары дәүләт теркәвенә алынырга тиеш министрлык һәм ведомстволарның төгәл исемлеге бирелгән. Күрсәтелгән исемлеккә кермәгән органнар тарафыннан актлар килгән очраклар да булды. Мондыйлар дәүләт теркәвенә алынулары таләп ителмәгәннәр буларак кире кайтарыла. Шулай 2008 елның гынварында нәкъ шушы нигездә ТР Министрлар Кабинеты каршындагы Балигъ булмаганнарның эшләре һәм аларның хокукларын яклау Республика комиссиясенең “Социаль яктан куркыныч хәлдә калган гаиләләрне һәм балаларны социаль патронатка алу ведомствоара муниципаль системасы турында” 5.11.2007 елдагы 12-07 номерлы карарын дәүләт теркәвенә алудан баш тартылды.